spot_img

Latest Posts

ମଧ୍ୟପ୍ରାଚ୍ୟରେ ଆମେରିକାର ତୃତୀୟ ଯୁଦ୍ଧ ଜାହାଜ

ନନ୍ଦିଘୋଷ ବ୍ୟୁରୋ: ବାହାରିନ ଉପରେ ଇରାନ ଡ୍ରୋନ ଆକ୍ରମଣ କରିବାର ଦିନକ ପରେ ମଧ୍ୟପ୍ରାଚ୍ୟକୁ ତୃତୀୟ ଯୁଦ୍ଧ ବିମାନ ବାହକ ଜାହାଜ ପଠାଇଲା ଆମେରିକା। ଏହା ଦ୍ଵାରା ମଧ୍ୟପ୍ରାଚ୍ୟରେ ପୁଣି ଯୁଦ୍ଧର ଉତ୍ତେଜନା ବୃଦ୍ଧି ପାଇଛି। ଗଣମାଧ୍ୟମ ରିପୋର୍ଟ ଅନୁସାରେ, ଆମେରିକାର ଯୁଦ୍ଧବିମାନ ବାହକ ଜାହାଜ ‘ୟୁଏସଏସ୍ ଥିଓଡୋର ରୁଜଭେଲ୍ଟ’ ମଧ୍ୟପ୍ରାଚ୍ୟରେ ପହଞ୍ଚିଛି । ଏହା ଦ୍ୱାରା ଏହି ଅଞ୍ଚଳରେ ଆମେରିକାର ଯୁଦ୍ଧବିମାନ ବାହକ ଜାହାଜ ସଂଖ୍ୟା ୩କୁ ବୃଦ୍ଧି ପାଇଛି।

ଏଥିରୁ ଆଶଙ୍କା କରାଯାଉଛି ଯେ, ଇରାନ ଉପରେ ପୁଣି ଆକ୍ରମଣ କରିପାରେ ଆମେରିକା। ଫେବୃଆରୀରେ ଆରମ୍ଭ ହୋଇଥିବା ଯୁଦ୍ଧ ପରଠାରୁ ଉପସାଗରୀୟ ଅଞ୍ଚଳର ଦେଶଗୁଡ଼ିକ ଏହି ସଂଘର୍ଷରେ ବାରମ୍ବାର ଟାର୍ଗେଟ୍ ହୋଇଆସୁଛନ୍ତି। ଅନ୍ୟପକ୍ଷରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚଳିତ ସପ୍ତାହରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଏବଂ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଏକ ତ୍ରିପାକ୍ଷିକ ବୈଠକରେ ଯୁଦ୍ଧ ପ୍ରସଙ୍ଗ ଉଠାଇବେ ବୋଲି ଜଣେ ଅଧିକାରୀ କହିଛନ୍ତି। ଉଲ୍ଲେଖଯୋଗ୍ୟ, ଇରାନ ଉପରେ ଆମେରିକା ଓ ଇସ୍ରାଏଲର ଆକ୍ରମଣରୁ ଏହି ଯୁଦ୍ଧ ଆରମ୍ଭ ହୋଇଥିଲା। ଦୀର୍ଘ ମାସ ଧରି କୂଟନୈତିକ ଆଲୋଚନା ଚାଲିଥିଲେ ମଧ୍ୟ ଯୁଦ୍ଧର ସମାଧାନ ବାହାରି ପାରିନାହିଁ। ଏବେ ଆମେରିକାର ତୃତୀୟ ଯୁଦ୍ଧବିମାନ ବାହକ ଜାହାଜ ମୁତୟନକୁ ନେଇ ମଧ୍ୟପ୍ରାଚ୍ୟରେ ସାମରିକ ଉତ୍ତେଜନା ଆହୁରି ବଢ଼ିବାର ଆଶଙ୍କା ରହିଛି।

Latest Posts

Don't Miss