ଜ୍ୱାଇଁ ନିଶ କାଟି ପିନ୍ଧାଇଲେ ଜୋତା ମାଳ…ଭିଡିଓ ଭାଇରାଲ

ରାଜସ୍ଥାନ: ଜଣେ ଯୁବକକୁ ଅପହରଣ କରିବା ପରେ ତାଙ୍କ ନିଶ କାଟି, ଜୋତା ମାଳ ପିନ୍ଧାଇବା ଭଳି ଅମାନବୀୟ ଘଟାଣକୁ ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ଚାଲିଛି । ଏହି ଭିଡିଓ ଭାଇରାଲ ମଧ୍ୟ ହୋଇଛି । ଏଭଳି ଲଜ୍ଜାଜନକ ଘଟଣା ରାଜସ୍ଥାନର ରାଜସମନ୍ଦ ଜିଲ୍ଲାରେ ଘଟିଛି ।  ପୋଲିସ ଏହି ମାମଲାକୁ ଗୁରୁତ୍ୱର ସହ ନେଇ ଏକ ମାମଲା ରୁଜୁ କରି ତିନି ଅଭିଯୁକ୍ତଙ୍କୁ ଗିରଫ କରିଛି ।

ଥାନା ଅଧିକାରୀଙ୍କ କହିବା ଅନୁସାରେ ଦିଲୀପ ନାଥ ନାମକ ଜଣେ ବ୍ୟକ୍ତିଙ୍କ ସହ ଏଭଳି ଅମାନବୀୟ କାଣ୍ଡ ଘଟିଥିଲା । ଦିଲ୍ଲିପଙ୍କୁ ଅପହରଣ କରିବା ପରେ ତାଙ୍କ ଶ୍ୱଶୁର ଘର ଲୋକ ତାଙ୍କର ଅଧାନିଶ ଓ କେଶ କାଟିବା ପରେ ଜୋତାମାଳ ପିନ୍ଧାଇଥିଲେ । ଯାହାର ଭିଡିଓ ମଧ୍ୟ ସୁଟ୍ ହୋଇଥିଲା ।

ସୂଚନାଯୋଗ୍ୟ ଯେ, ଦିଲୀପ ନାଥଙ୍କର ନିକଟରେ ପାରସୀ ନାମକ ଜଣେ ଯୁବତୀଙ୍କ ସହ ବିବାହ ହୋଇଥିଲା । ହେଲେ ବିବାହର କିଛି ଦିନ ମଧ୍ୟରେ ସେ ନିଜ ସ୍ତ୍ରୀଙ୍କୁ ଛାଡି ଦେଇଥିଲେ । ହେଲେ ପୁଣି ଦିଲିପ ନିଜ ପତ୍ନୀଙ୍କ ପାଖକୁ ଫେରିବାକୁ ଚାହିଁଲେ ।ଏହା ପରେ ସେ ନିଜ ପତ୍ନୀଙ୍କ ପାଖକୁ ଯାଇ ତାଙ୍କୁ ସବୁଦିନ ପାଇଁ ଫେରାଇଆଣିଥିଲେ ।

ତେବେ ପାରସୀଙ୍କ ପରିବାର ସଦସ୍ୟମାଙ୍କୁ ଏହା ଭଲ ଲାଗିନଥିଲା । ସେମାନେ ଏହା ଜାଣିବା ପରେ ତାଙ୍କ ଘରେ ପହଞ୍ଚିଥିଲେ । ତାଙ୍କୁ ଘରୁ ଉଠାଇ ନେଇ ତାଙ୍କର କେଶଶ, ନିସ କାଟିବା ତଥା ବେକରେ ଜୋତାମାଳ ପିନ୍ଧାଇଥିଲେ । ଯାହାର  ଭିଡିଓ ଭାଇରାଲ ହୋଇଛି। ଏନେଇ ପରେ ପୋଲିସରେ  ଦିଲିପ ଅଭିଯୋଗ କରିଥିଲେ ।  ଏହି ମାମଲାରେ  ୩ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ପ୍ରକୃତରେ ଘଟଣାସ୍ଥଳରେ ୪ଜଣ ଉପସ୍ଥିତ ଥିଲେ ହେଲେ ସେମାନଙ୍କ ମଧ୍ୟରୁ ପୋଲିସକୁ ଦେଖି ଜଣେ ଫେରାର ହୋଇଥିଲା । ପୋଲିସ ଏବେ ୩ଜଣ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବ ।