ନନ୍ଦିଘୋଷ ବ୍ୟୁରୋ : ସିଜେପି କର୍ମୀ ନିଶୁ ଆଜାଦଙ୍କ ବାପାଙ୍କୁ ଆକ୍ରମଣ ଘଟଣାରେ ବିସ୍ଫୋରକ ମୋଡ଼। ସ୍ଵତନ୍ତ୍ର ଭାରଦ୍ଵାଜ ନାମକ ଜଣେ ଯୁବକଙ୍କ ପଡକାଷ୍ଟ ପରେ ଏହି ନୂଆ ମୋଡ଼ ଆସିଛି। ପଡକାଷ୍ଟରେ ସ୍ଵତନ୍ତ୍ର ଭରଦ୍ଵାଜ କହିଛନ୍ତି, ସେହି ହିଁ ନିଶୁ ଆଜାଦଙ୍କ ବାପାଙ୍କୁ ମାଡ଼ ମାରି ମୁଣ୍ଡ ଫଟାଇ ଦେଇଛନ୍ତି। କିନ୍ତୁ ତାଙ୍କର କିଛି ହେଲାନାହି। ପୋଲିସ କିଛି କରିପାରଲା ନାହିଁ। କାରଣ କେତେକ ବଡ଼ ବଡ଼ ନେତାଙ୍କ ସହିତ ସଂପର୍କ ଅଛି। ଏହି ପଡକାଷ୍ଟ ପରେ ନ୍ୟାୟ ପାଇବା ପାଇଁ ରାହୁଲ ଗାନ୍ଧିଙ୍କୁ ଅନୁରୋଧ କରିଥିଲେ ନିଶୁ ଆଜାଦ। ତାଙ୍କ ପାଇଁ ଲଢ଼ିବାକୁ ମଧ୍ୟ ରାହୁଲ ଗାନ୍ଧି ପ୍ରତିଶୃତି ଦେଇଛନ୍ତି। ଆଇନ ଜାଲରେ ଫସିବାର ଦେଖି ସ୍ଵତନ୍ତ୍ର ଭାରଦ୍ଵାଜ ସଫେଇ ଦେଇଛନ୍ତି ଆତ୍ମରକ୍ଷା ପାଇଁ ସେ ମାଡ଼ ମାରିଥିଲେ। ସେପଟେ ଏହି ଘଟଣା ପରେ ସିଜେପିର ବରିଷ୍ଠ କର୍ମକର୍ତ୍ତା ସଂସଦ ମାର୍ଗ ଥାନାକୁ ଆସି ପୋଲିସ ସହିତ କଥା ହୋଇଛନ୍ତି। ଅଭିଯୁକ୍ତ ସ୍ଵତନ୍ତ୍ର ଭରଦ୍ଵାଜଙ୍କୁ ତୁରନ୍ତ ଗିରଫ କରିବାକୁ ଦାବି କରିଛନ୍ତି।
ନିଟ୍ ଲିକ୍ କୁ ନେଇ ସେତେବେଳର କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ଜୁଲାଇ ୨୦ରେ ଦିଲ୍ଲୀରେ ଏକ ବିରାଟ ଆନ୍ଦୋଳନ ହୋଇଥିଲା। ଏଥିରେ ଲକ୍ଷାଧିକ ଛାତ୍ରଛାତ୍ରୀ ଯୋଗଦେଇଥିଲେ। ସଂସଦ ଚାଲ୍ ଅଭିଯାନରେ ଯିବା ବେଳେ କିନ୍ତୁ ତାହା ପିଲାଙ୍କ ଉପରେ ହୋଇଥିଲା ଆକ୍ରମଣ। ପୋଲିସ କରିଥିଲା ଦମନଲୀଳା। ନିସ୍ତୁକ ମାଡ଼ ମାରିବା ସହିତ ଲୁହବୁହା ଗ୍ୟାସ ପ୍ରୟୋଗ କରିଥିଲା। ଅଭିଯୋଗ ହୋଇଛି, ପୋଲିସ ଡ୍ରେସ ପିନ୍ଧିନଥିବା ଅନେକ ଯୁବକ ବି ଛାତ୍ରଛାତ୍ରୀଙ୍କୁ ଆକ୍ରମଣ କରି ଲହୁଲୁହାଣ କରିଥିଲେ।
