ନନ୍ଦିଘୋଷ ବ୍ୟୁରୋ : ପୁରୀ ଜିଲ୍ଲାରେ ଆଣ୍ଠେଇ ପଡ଼ିଲାଣି ସ୍ଵାସ୍ଥ୍ୟ ସେବା । ଅସ୍ତରଙ୍ଗ ଓ ବାଙ୍ଗୁରିଗାଁ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ନାହାନ୍ତି ଆବଶ୍ୟକୀୟ ଡାକ୍ତର । ଖାଲି ପଡ଼ିଛି ବିଶେଷଜ୍ଞ ପଦ । ନିରାମୟରେ ମିଳୁନି ପର୍ଯ୍ୟାପ୍ତ ଔଷଧ । ପାଲଟିଛି ରେଫରାଲ ସେଣ୍ଟର ।… ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ କାକଟପୁର ବ୍ଲକର ବାଙ୍ଗୁରିଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଉପରେ ଦୈନିକ ହଜାର ହଜାର ଲୋକ ନିର୍ଭର କରନ୍ତି । ହେଲେ ଏଠାରେ ରୋଗୀଙ୍କ ପାଇଁ ନାହିଁ ଆବଶ୍ୟକୀୟ ବେଡ । ଘଣ୍ଟାଘଣ୍ଟା ଧରି ଅପେକ୍ଷା କରି ଫେରୁଛନ୍ତି ଲୋକେ । ଅନେକ ସମୟରେ ଡାକ୍ତର ରୋଗ ଜାଣି ନପାରି ସିଧା ଭୁବନେଶ୍ଵର, କଟକ ଓ ପୁରୀକୁ ରେଫର କରିଦେଉଥିବା ଅଭିଯୋଗ ହୋଇଛି । …
ଅସ୍ତରଙ୍ଗ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ୨୪ ଜଣ ଡାକ୍ତରଙ୍କ ବଦଳରେ ଅଛନ୍ତି ମାତ୍ର ୫ ଜଣ ଡାକ୍ତର । ବାଙ୍ଗୁରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଅଛନ୍ତି ୯ ଜଣ ଡାକ୍ତର । ଦୁଇଟି ଯାକ ମେଡିକାଲରେ ସ୍ତ୍ରୀ ଓ ଶିଶୁ ରୋଗ ବିଶେଷଜ୍ଞ, ହାଡ ଓ ମେଡିସିନ ବିଶେଷଜ୍ଞ କେହି ବି ନାହାନ୍ତି । ଯେତିକି ବି ଅଛନ୍ତି ସେମାନେ ଧାର୍ଯ୍ୟ ସମୟରେ ଆସୁନାହାନ୍ତି । ଅନେକ ସମୟରେ OPDରେ ଜଣେ ଲେଖାଏଁ ଡାକ୍ତର ରହୁଛନ୍ତି । ଖାଲି ସେତିକି ନୁହେଁ ମେଡିକାଲ ପରିସରରେ ବହୁ ପରିମାଣର ଦଲାଲ ବୁଲୁଛନ୍ତି । ଯେଉଁମାନେ ରୋଗୀଙ୍କୁ ବାହାର କ୍ଲିନିକ ଓ ଘରୋଇ ହସ୍ପିଟାଲକୁ ଯିବାକୁ ପ୍ରବର୍ତ୍ତାଉଥିବା ଅଭିଯୋଗ ହୋଇଛି ।…
