ନନ୍ଦିଘୋଷ ବ୍ୟୁରୋ; ଜୋର ଧରୁଛି ବିଜେପି ନେତା ଉମାକାନ୍ତ ପଟ୍ଟନାୟକଙ୍କ ଉପରେ କାର୍ଯ୍ୟାନୁଷ୍ଠାନ ଦାବି। ଏହାକୁ ନେଇ ସରଗରମ କେନ୍ଦ୍ରାପଡ଼ା ରାଜନୀତି। ଡେରାବିଶ ବ୍ଲକ ମହିଳା ବିଡିଓ ନମିତା ବାରିକଙ୍କୁ ଅସଦାଚରଣ ମାମଲାରେ ସାରା ରାଜ୍ୟରେ ସରକାରୀ ଅଧିକାରୀ, ଶାସକ ଦଳର ନେତା ଓ କର୍ମୀଙ୍କ ଗୁଣ୍ଡାଗିରିରେ ଆତଙ୍କିତ। ଗତକାଲି ବ୍ଲକ କର୍ମଚାରୀ ସଂଘ ଥାନାରେ ଏତଲା ଦେଇଥିଲା। ଶୁଣିବାକୁ ମିଳୁଛି ସ୍ଥାନୀୟ ବିଜେପି ପକ୍ଷରୁ ପାଲଟା ଏତଲା ଦିଆଯାଇଛି। ତେବେ ବିଜେପି ପକ୍ଷରୁ ଏତଲା ଦିଆଯାଇଥିବାନେଇ ପୋଲିସ ପକ୍ଷରୁ କୌଣସି ସୂଚନା ସ୍ପଷ୍ଟ କରାଯାଇନାହିଁ।ସୀମା ଟପୁଛି ବିଜେପି ନେତାଙ୍କ ଦାଦାଗିରି। ଆଇନକାନୁନକୁ ନାହିଁ ଖାତିର । ବିଜେପି ସରକାରରେ ଅସୁରକ୍ଷିତ ମହିଳା। ବାଦ ପଡୁନାହାନ୍ତି ସରକାରୀ ଅଧିକାରୀ। ଡେରାବିଶ ବିଡିଓଙ୍କୁ ଦୁର୍ବ୍ୟବହାର ଘଟଣାକୁ ଚାରିଆଡୁ ନିନ୍ଦା। ତେଜିଲା ଆନ୍ଦୋଳନ, ଦୃଢ଼ କାର୍ଯ୍ୟାନୁଷ୍ଠାନ ଦାବି। ନଚେତ କଲମଛାଡ଼ ଆନ୍ଦୋଳନ ଚେତାବନୀ। ଗତ ୨ଦିନ ତଳେ ଡେରାବିଶ ବିଡିଓ ନମିତା ବାରିକଙ୍କ ଅଫିସରେ ପଶି ଅଶାଳୀନ ମନ୍ତବ୍ୟ ସହ ଦୁର୍ବ୍ୟବହାର କରିଥିଲେ ବିଜେପି ନେତା ଉମାକାନ୍ତ ପଟ୍ଟନାୟକ। ତାଙ୍କ ସହ ଅଫିସରେ ପଶିଥିଲେ ପ୍ରାୟ ୪୦ ଜଣ ଦଳୀୟ କର୍ମୀ । ଏଭଳି ଅସଭ୍ଯ ବ୍ଯବହାର କରିଥିଲେ ଯେ, ମହିଳା ବିଡିଓ ଜଣକ ମାନସିକ ଭାରସାମ୍ୟ ହରାଇ ଅଚେତ ହୋଇପଡ଼ିଥିଲେ। ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ଘଟଣାକୁ ନେଇ ଗତକାଲି ବ୍ଲକ୍ ସଂଘ ପକ୍ଷରୁ ଏତଲା ଦିଆଯାଇଥିଲା। ଦୁର୍ବ୍ୟବହାରକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆ ନଗଲେ କଲମ ଛାଡ ଅନ୍ଦୋଳନର ଚେତାବନୀ ଦେଇଛି ବ୍ଲକ କର୍ମଚାରୀ ସଂଘ। ଅନ୍ୟପଟେ ଘଟଣାକୁ ଦୃଢ଼ ନିନ୍ଦା କରିଛି ବିଜେଡି । କ୍ଷମତା ବଳରେ ଅନ୍ଧ ହୋଇ ସରକାରୀ ଦଳ ଲଜ୍ୟାଜନକ ପରିସ୍ଥିତି ସୃଷ୍ଟି କରୁଛି ବୋଲି କହିଛି । ବିଜେପି ନେତା ଓ କର୍ମୀଙ୍କ ଏଭଳି ଆଚରଣକୁ ସବୁ ମହଲରେ ଦୃଢ଼ ନିନ୍ଦା କରାଯାଇଛି। ବିଜେପିର ଏଭଳି ଆଚରଣ ଆଦୌ ଗ୍ରହଣୀୟ ନୁହେଁ ବୋଲି ବୁଦ୍ଧିଜୀବୀ କହିଛନ୍ତି। ଘଟଣାରେ ଯେଉଁମାନେ ସଂପୃକ୍ତ ସେମାନଙ୍କ ବିରୋଧ ରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ CPIM ଦାବି କରିଛି।ସଂପୃକ୍ତ ବିଜେପି ନେତା ଓ କର୍ମୀଙ୍କ ବିରୋଧରେ ସରକାରଙ୍କ ଆଭିମୁଖ୍ୟ କଣ ରହୁଛି, ତାହା ଦେଖିବାକୁ ବାକି ରହିଲା ।
