ନନ୍ଦିଘୋଷ ବ୍ୟୁରୋ : ଫିଫା ବିଶ୍ୱକପ୍ ରୋମାଞ୍ଚକର ରାଉଣ୍ଡ ୧୬ ମୁକାବିଲାରେ ସ୍ପେନ୍ ପର୍ତ୍ତୁଗାଲକୁ ୧-୦ ଗୋଲରେ ପରାସ୍ତ କରିଛି । ଏଥି ସହ ଷ୍ଟାର୍ ଫୁଟବଲର କ୍ରିଷ୍ଟିଆନୋ ରୋନାଲ୍ଡୋଙ୍କ ବିଶ୍ୱକପ କ୍ୟାରିଅରର ପରିସମାପ୍ତି ଘଟିଛି। ମ୍ୟାଚ୍ର ପୁରା ୯୦ ମିନିଟ୍ ଗୋଲ ଶୂନ୍ୟ ରହିବ ପରେ ସ୍ପେନ୍ ର ବଦଳ ଖେଳାଳି ମିକେଲ ମେରିନୋ ୯୦+୧ ମିନିଟରେ ଏକ ନାଟକୀୟ, ଗୋଲ ସ୍କୋର କରି ସ୍ପେନ ପାଇଁ ବିଜୟ ହାସଲ କରିଥିଲେ। ଏହି ବିଜୟ ସହ ସ୍ପେନ୍ କ୍ୱାର୍ଟର ଫାଇନାଲ କୁ ପ୍ରବେଶ କରିଛି। ରୋନାଲ୍ଡୋଙ୍କ ଏହା ଶେଷ ବିଶ୍ୱ କପ୍ ମ୍ୟାଚ୍ ଥିଲା। କିନ୍ତୁ କ୍ରିଷ୍ଟିଆନୋ ରୋନାଲ୍ଡୋ ଆନୁଷ୍ଠାନିକ ଭାବରେ ଫୁଟବଲ୍ରୁ ଅବସର ଘୋଷଣା କରିନାହାଁନ୍ତି। ଲଗାତାର ୬ଟି ବିଶ୍ୱ କପ୍ ରେ ଗୋଲ କରିବାରେ ରେକର୍ଡ ତାଙ୍କ ନାମରେ ରହିଛି। ସେ ତାଙ୍କ କ୍ୟାରିଅର ରେ ୨୭ ଟି ବିଶ୍ୱ କପ୍ ମ୍ୟାଚ୍ ଖେଳି ୧୧ ଗୋଲ ସ୍କୋର କରିଛନ୍ତି।
