ଭୁବନେଶ୍ୱର :ନିଜ ଘରେ, ନିଜ ମାଟିରେ ଭୋଟରଙ୍କୁ ଶରଣାର୍ଥୀ କରିବାକୁ ଉଦ୍ୟମ। ଏହି ସଂଗୀନ ଅଭିଯୋଗ କରି ମୁଖ୍ୟ ନିର୍ବାଚନ ଅଧିକାରୀଙ୍କ ଅଫିସ ଘେରାଉ କରିଛି ବିଜେଡି। ପ୍ରାକ୍ SIR ରେ ରାଜ୍ୟର ଭୋଟର ତାଲିକାରୁ ୯ ଲକ୍ଷ ୮୦ ହଜାରରୁ ଅଧିକ ଭୋଟରଙ୍କୁ ବାଦ୍ ଦିଆଯାଇଛି। ଓଡ଼ିଶାରେ ବିରୋଧୀଙ୍କ ଗଡ଼ ଭାଙ୍ଗିବାକୁ ଏହା ବିଜେପି ସରକାରର ଷଡଯନ୍ତ୍ର। ଯେଉଁଠି ବିରୋଧୀଙ୍କ ଗଡ଼, ସେଠି ଭୋଟରଙ୍କୁ ବାଦ ପକାଇ ବୁଥ କବଜା କରିବାକୁ ରାଜ୍ୟ ସରକାର କରୁଛନ୍ତି ହୀନ ଚକ୍ରାନ୍ତ। ନିର୍ବାଚନ କମିଶନ ସ୍ୱଚ୍ଛତା ଅଵଲମ୍ବନ କରନ୍ତୁ ବୋଲି ଦାବି କରିଛି ବିଜେଡି। ପୁଣି ଥରେ ଯାଞ୍ଚ କରି ବାଦ ପଡ଼ିଥିବା ଭୋଟରଙ୍କୁ ତାଲିକାରେ ସାମିଲ କରିବାକୁ ଦାବି କରାଯାଇଛି। ନ ହେଲେ ଲୋକସେବା ଭବନ ଘେରାଉ କରାଯିବ। ଆବଶ୍ୟକ ପଡିଲେ, ବାଦ ପଡ଼ିଥିବା ଭୋଟରଙ୍କୁ ନେଇ ଆନ୍ଦୋଳନ କରିବାକୁ ବିଜେଡି ନିଷ୍ପତ୍ତି ନେଇଛି।
