ନନ୍ଦିଘୋଷ ବ୍ୟୁରୋ : କଟକ ବଡ଼ ଡାକ୍ତରଖାନା ଅଗ୍ନିକାଣ୍ଡରେ ଗୁରୁତର ଥିବା ୫ ରୋଗୀଙ୍କ ଅବସ୍ଥା ଏବେ ବି ସଂକଟାପନ୍ନ। ସେମାନଙ୍କୁ ନ୍ୟୁରୋ ସର୍ଜରୀ ଆଇସିୟୁରେ ରଖାଯାଇ ଚିକିତ୍ସା କରାଯାଉଛି। ବ୍ୟବଚ୍ଛେଦ ପରେ ୧୦ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଆଜି ପିସିସି ସଭାପତି ଭକ୍ତ ଦାସ ଏସସିବି ପରିଦର୍ଶନ କରିବା ସହିତ ଆହତ ରୋଗୀଙ୍କୁ ଭେଟିବେ। ସେପଟେ ଅଗ୍ନିକାଣ୍ଡର କାରଣ ସଂପର୍କରେ ଫ୍ଯାକ୍ଟ ଫାଇଣ୍ଡିଙ୍ଗ ଟିମ ଏସସିବି ବୁଲି ଅନୁଧ୍ୟାନ କରିଛନ୍ତି। ସରକାର ଅଗ୍ନିକାଣ୍ଡର ନ୍ୟାୟିକ ତଦନ୍ତ ନିର୍ଦ୍ଦେଶ ଦେଇଛନ୍ତି। ଆଜି କର୍ତ୍ତୃପକ୍ଷ ଘଟଣାସ୍ଥଳକୁ ଯାଇ ତଦନ୍ତ କରିବାର ସମ୍ଭାବନା ଅଛି। ଗତକାଲି ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତଥା ବିରୋଧୀ ଦଳ ନେତା ଏସସିବି ଯାଇ ଅଘଟଣସ୍ଥଳ ବୁଲି ଦେଖିଥିଲେ ଓ ଆହତଙ୍କୁ ଭେଟିଥିଲେ।
