ଉମରକୋଟ : ଭୁଜାଲି ଦେଖାଇ ୬ ଦୁର୍ବୃତ୍ତ ଘରୁ ଲୁଟିନେଲେ ୭୦ ଲକ୍ଷ ଟଙ୍କା ଓ ସୁନା ଗହଣା ।ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ କୋଚନିଆମ୍ବା ଗାଁରୁ ଲୁଟ ହୋଇଛି। ଗାଁର ଅମୂଲ୍ୟ ଜେନାଙ୍କ ଘରେ ଘଟିଛି ଏହି ଲୁଟ୍। ଗତ ତିନିମାସ ତଳେ ଜମି ବିକ୍ରି କରି ଘରେ ରଖିଥିଲେ ୭୦ ଲକ୍ଷ ଟଙ୍କା । ଗତ ରାତିରେ ଘରେ ଏକୁଟିଆ ଶୋଇଥିବା ସମୟରେ ବିଳମ୍ବିତ ରାତିରେ ଘର କବାଟ ତାଡି ୬ ମୁଖାପିନ୍ଧା ଦୁର୍ବୃତ୍ତ ଘରେ ପଶିଥିଲେ । ବେକରେ ଭୁଜାଲି ରଖି ଗାଳି ଗୁଲଜ କରି ହାତ ଗୋଡ଼ ବାନ୍ଧି ଗଡ଼ରେଜରୁ ୭୦ ଲକ୍ଷ ଟଙ୍କା ଓ ୧୪ଟି ସୁନାମୁଦି ଓ ତିନୋଟି ସୁନା ଲକେଟ ଓ କାନ ଫୁଲ ଲୁଟି ନେଇଥିବା ଅଭିଯୋଗ ହୋଇଛି। ଏନେଇ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ଅନ୍ୟପଟେ ନବରଙ୍ଗପୁରରୁ ସାଇଣ୍ଟିଫିକ ଟିମ ଆସି ତଦନ୍ତ କରିବେ ବୋଲି ପୋଲିସ ପକ୍ଷରୁ ସୂଚନା ମିଳିଛି।
