ତୀବ୍ବତୀୟ ବୌଦ୍ଧ ଓ ଆଧ୍ୟାତ୍ମିକ ଗୁରୁ ଦଲାଈ ଲାମା ସାରା ବିଶ୍ବରେ ଜଣେ ଚର୍ଚ୍ଚିତ ଚେହେରା । ତାଙ୍କୁ ନେଇ ଅନେକ ଫିଲ୍ମ ନିର୍ମାଣ ହୋଇଛି । ଏଥିସହିତ ସେ ମଧ୍ୟ କିଛି ଫିଲ୍ମର ଅଂଶ ରହିଛନ୍ତି । ଏବେ ସଙ୍ଗୀତ ଦୁନିଆରେ ଆଧ୍ୟତ୍ମିକ ଗୁରୁଙ୍କ ଝଲକା ଦେଖିବାକୁ ମିଳିଛି । ଦଲାଈ ଲାମାଙ୍କୁ ସଙ୍ଗୀତର ପ୍ରତିଷ୍ଠିତ ସମ୍ମାନ ଗ୍ରୀମୀର ପୁରସ୍କାର ପ୍ରଦାନ କରାଯାଇଛି । ୯୦ ବର୍ଷୀୟ ଦଲାଈ ଲାମା ଅତ୍ୟନତ୍ ଖାସ୍ କ୍ୟାଟେଗୋରୀରେ ଏହି ଆଓ୍ବାର୍ଡ ଜିତିଛନ୍ତି । ଦଲାଈ ଲାମୀଙ୍କର ମନୋରଞ୍ଜନ ଜଗତ ସହ ନିବିଡ଼ ସମ୍ପର୍କ ରହିଛି ଓ ସେ ଅନେକ ଫିଲ୍ମରେ ମଧ୍ୟ ଆସିଛନ୍ତି ।
ଦଲାଈ ଲାମାଙ୍କୁ ଗ୍ରାମୀର ୬୮ତମ ସଂସ୍କରଣରେ ତାଙ୍କର ଆଲବମ ପାଇଁ ବେଷ୍ଟ ଅଡିଓ ବୁକ, ନ୍ୟାରେସନ ଓ ଷ୍ଟୋରିଟେଲିଂ ରେକର୍ଡିଂ ଶ୍ରେଣୀରେ ସମ୍ମାନିତ କରାଯାଇଛି । ତାଙ୍କର ଆଲବମ ‘ମେଡିଟେଶନ: ଦ ରିଫ୍ଲେକ୍ସନ ଅଫ୍ ହିଜ ହୋଲିନେସ ଦ ଦଲାଈ ଲାମା’କୁ ଏହି ଖାସ୍ ବର୍ଗରେ ନୋମିନେଟ କରାଯାଇଛି । ଏହା ତାଙ୍କର ପ୍ରଥମ ଗ୍ରାମୀ ପୁରସ୍କାର । ନୋବେଲ ଶାନ୍ତି ପୁରସ୍କାର ପାଇସାରିଥିବା ଦଲାଈ ଲାମାଙ୍କୁ ପୂର୍ବରୁ ଅନେକ ସମ୍ମାନ ପ୍ରଦାନ କରାଯାଇଛି । ଗ୍ରାମୀରେ ଏଥର ଭାରତରୁ ପଣ୍ଡିତ ରବି ଶଙ୍କରଙ୍କ ଝିଅ ଅନୁଷ୍କା ଶଙ୍କରଙ୍କୁ ତାଙ୍କର ଗୀତ ଡେବ୍ରେକ ପାଇଁ ନୋମିନେଟ କରାଯାଇଥିଲା । ମାତ୍ର ଏହି ବର୍ଷ ତାଙ୍କୁ ଆଓ୍ବାର୍ଡ ମିଳିପାରିନଥିଲା ।
