ରାଉରକେଲା ସହରର ବିଭିନ୍ନ କ୍ଲବ ଓ ହୋଟେଲରେ ନବବର୍ଷକୁ ସ୍ବାଗତ କରିବା ପାଇଁ ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମର ଆୟୋଜନ କରାଯାଇଛି । ଏନେଇ ପୋଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ନାବାଳକ ମାନେ ମଦ କିଣିବା ଓ ମଦ ପିଇବା ଉପରେ ରୋକ ଲଗାଇବା ପାଇଁ ରାଉରକେଲା ଏସପି ସମସ୍ତ ଥାନା ପୋଲିସକୁ ନିର୍ଦ୍ଦେଶ ଦେଇଛନ୍ତି । ନୂଆ ବର୍ଷ ଅବସରରେ ଦୁର୍ଘଟଣା ରୋକିବା ପାଇଁ ରାତିରେ ମଦ ପିଇ ଗାଡି ଚଳାଇଲେ ମଦୁଆ ଧରପଗଡ ଅଭିଯାନ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସ ପକ୍ଷରୁ ନିଷ୍ପତ୍ତି ହୋଇଛି । ରାଉରକେଲା ସହରରେ ଶାନ୍ତି ଶୃଙ୍ଖଳାର ସହ ନୁଆ ବର୍ଷ ପାଳନ କରିବା ପାଇଁ ପୋଲିସ ପକ୍ଷରୁ ସମସ୍ତ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଵା ରାଉରକେଲା ଏସପି ସୂଚନା ଦେଇଛନ୍ତି।
