ଦିଲ୍ଲୀ: ଦିଲ୍ଲୀରେ ଘନ କୁହୁଡ଼ିର ପ୍ରଭାବ। ଗମ୍ଭୀର ସ୍ଥିତିରେ ରହିଛି ବାୟୁ। ଦିଲ୍ଲୀର ଅଧାରୁ ଅଧିକ ମନିଟରିଂ ଷ୍ଟେସନରେ ସକାଳ ୭ଟାରେ AQI ଗମ୍ଭୀର ବର୍ଗରେ ପହଞ୍ଚି ଯାଇଥିଲା। ଦିଲ୍ଲୀରେ ହାରାହାରି ବାୟୁ ଗୁଣବତ୍ତା ସୂଚକାଙ୍କ ୪୦୨ ରହିଥିଲା। ଯାହାକି ଗମ୍ଭୀର ଭାବେ ପରିଗଣିତ କରାଯାଉଛି। ସହରରେ କୁହୁଡ଼ି ଯୋଗୁଁ ଦୃଶ୍ୟମାନତା ହ୍ରାସ ପାଇବା ଯୋଗୁଁ ଅନେକ ବିମାନ ବିଳମ୍ବରେ ଚାଲୁଛି ।
ଦିଲ୍ଲୀର ଅଧାରୁ ଅଧିକ ମନିଟରିଂ ଷ୍ଟେସନରେ AQI ଖରାପ ବର୍ଗରେ ରେକର୍ଡ ହୋଇଛି। ବିବେକ ବିହାରରେ ସର୍ବାଧିକ AQI ୪୫୮ ରେକର୍ଡ କରାଯାଇଥିଲା। ୱାଜିରପୁରରେ AQI ୪୪୩ ଥିଲା। କର୍ତ୍ତବ୍ୟ ପଥ ଚାରିପାଖରେ ସକାଳୁ ଘନ କୁହିଡିର ଆସ୍ତରଣ ଦେଖିବାକୁ ମିଳିଥିଲା। ଦିଲ୍ଲୀର ଅଧିକାଂଶ ସ୍ଥାନରେ ଅତ୍ୟଧିକ ଘନ କୁହୁଡ଼ି ପାଇଁ ରେଡ୍ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। ଦିଲ୍ଲୀ ବିମାନବନ୍ଦରରେ ଦୃଶ୍ୟମାନତା ୧୨୫ ମିଟର ପର୍ଯ୍ୟନ୍ତ ହ୍ରାସ ପାଇଛି।
