ନନ୍ଦିଘୋଷ ବ୍ୟୁରୋ: ବିହାର ସରକାରରେ ମନ୍ତ୍ରୀ ଥିବା ନୀତୀନ ନବୀନଙ୍କୁ ବିଜେପି କାର୍ଯ୍ୟକାରୀ ସଭାପତି ଭାବେ ନିଯୁକ୍ତ କରିଛି । ରବିବାର ବିଜେପି ପକ୍ଷରୁ ଏଭଳି ଘୋଷଣା କରାଯାଇଥିବାବେଳେ ଏବେ ସବୁଠି ଚର୍ଚ୍ଚା ସେ କଣ ଜେପ୍ପି ନଡ୍ଡାଙ୍କ ସ୍ଥାନ ନେବେ କି ? ତାଙ୍କୁ କାହିଁକି ବାଛିଲା ଦଳ ? ତେବେ ନଡ୍ଡା ଯେତେବେଳେ ବିଜେପି ସଭାପତି ହୋଇଥିଲେ ସେତେବେଳେ ସମାନ ପ୍ରକାର ନିଯୁକ୍ତ ହୋଇଥିଲେ ।
୨୦୧୯ ସାଧାରଣ ନିର୍ବାଚନ ପରେ ତାଙ୍କୁ କାର୍ଯ୍ୟକାରୀ ସଭାପତି ଭାବେ ନିଯୁକ୍ତ କରାଯାଇଥିଲା । ପରେ ୨୦୨୦ ମସିହା ଜାନୁଆରୀ ୨୦ ତାରିଖରେ ସଭାପତି ଭାବେ ଘୋଷଣା କରାଯାଇଥିଲା । ନିକଟରେ ବିହାର ନିର୍ବାଚନ ସରିଛି ଆଉୁ ନୂଆ ବର୍ଷ ଆସୁଥିବାବେଳେ ନୀତୀନ ନବୀନଙ୍କୁ ନୂଆ ଦାୟିତ୍ବ ଦିଆଯାଇଛି । ଏଣୁ ଏହାକୁ ନେଇ ଅନେକଙ୍କ ମନରେ ପ୍ରଶ୍ନ ଉଠିବା ସ୍ବାଭାବିକ୍ । ତେବେ ବିଜେପିର ସମ୍ବିଧାନରେ କୌଣସି କାର୍ଯ୍ୟକାରୀ ସଭାପତି ପଦବୀ ରହିନଥିବା ଓ୍ବେବସାଇଟ ସର୍ଚ୍ଚ କଲେ ଜାଣି ପାରିବେ । ଏଭଳି ଏକ ଚର୍ଚ୍ଚା ହେଉଛି ।
କୁହାଯାଉଛି କି, ଜାତୀୟ କାର୍ଯ୍ୟକାରୀ ସଭାପତି ନିଯୁକ୍ତି ଅସ୍ଥାୟୀ । ଏହାର ଅର୍ଥ ହେଉଛି କି, ବିଜେପି ଯେ ପର୍ଯ୍ୟନ୍ତ ନୂତନ ସଭାପତିଙ୍କ ନାମ ଘୋଷଣା ନକରିଛି ସେ ପଦବୀରେ ରହିବେ ।
