ଭୁବନେଶ୍ୱର : ଭୁବନେଶ୍ୱର ଅବକାରୀ ବିଭାଗ ପକ୍ଷରୁ ବାର ଓ ପବରେ ରେଡ୍ । ସୁପରିଣ୍ଟେଣ୍ଡେଣ୍ଟ ଦେବାଶିଷ ପଟେଲଙ୍କ ନିର୍ଦ୍ଦେଶ କ୍ରମେ ରେଡ୍ କରାଯାଇଛି । ଡିଏସପି ରାଜଶେଖର ସ୍ବାଇଁଙ୍କ ନେତୃତ୍ୱରେ ଏକ ଟିମ ଭୁବନେଶ୍ୱରର ବିଭିନ୍ନ ବାର ଓ ପବରେ ମାରାଥନ ରେଡ କରିଛି । ଆଗକୁ ବଡ଼ଦିନ ଓ ନୂଆବର୍ଷ ଥିବା ବେଳେ, କିଛି ବାର ଓ ପବ ନିୟମ ଖିଲାପ କରି ବିଳମ୍ବିତ ରାତି ପର୍ଯ୍ୟନ୍ତ ଖୋଲୁଥିବା ନେଇ ଅଭିଯୋଗ ହେଉଥିଲା । ତେଣୁ ଗତକାଲି ରାତିରେ ଚନ୍ଦ୍ରଶେଖରପୁର ଅଞ୍ଚଳରେ ଚେକିଂ କରାଯାଇଛି । ସିସିଟିଭି ଚେକ କରାଯାଇ ବାର ମାଲିକଙ୍କୁ ପଚରାଉଚରା କରାଯାଇଛି । ଆଗାମୀ ଦିନରେ ମଧ୍ୟ ଏଭଳି ଚେକିଂ ଜାରି ରହିବ ବୋଲି ସୂଚନା ମିଳିଛି । ଦୁଇଦିନ ପୂର୍ବରୁ ଏକ ରେଷ୍ଟୁରାଣ୍ଟରେ ବିନା ଲାଇସେନ୍ସରେ ବେଧଡକ ନିଶା କାରବାର ଚାଲୁଥିବା ନେଇ ଅଭିଯୋଗ ପରେ ଆକ୍ସନ ମୋଡ଼କୁ ଆସିଥିଲା ବିଭାଗ । ସତ୍ୟବିହାରରେ ଥିବା ନୋ ଲିମିଟ ରେଷ୍ଟୁରାଣ୍ଟରେ ଅଗ୍ନିକାଣ୍ଡ ଘଟି ଜଳି ଯାଇଥିଲା ଲକ୍ଷାଧିକ ଟଙ୍କାର ସମ୍ପତ୍ତି।
