spot_img

Latest Posts

ବନ୍ଦୀ ଜୀବନ ବିତାଉଥିବା ଆହତ ଛାତ୍ରଙ୍କୁ ଉଦ୍ଧାର କଲେ ପ୍ରଦୀପ ମାଝୀ

ନବରଙ୍ଗପୁର : ଦିନେ କି ଦୁଇ ଦିନ ନୁହେଁ, ୯ ଦିନ ଧରି ପ୍ରେସର କୁକର ଫାଟି ଗୁରୁତର ଅବସ୍ଥାରେ ହଷ୍ଟେଲରେ ବନ୍ଦୀ ଥିଲା ଛାତ୍ର । ଆହତ ଛାତ୍ରଙ୍କୁ ଉଦ୍ଧାର କରିଛନ୍ତି ବିଜେଡି ନେତା ପ୍ରଦୀପ ମାଝୀ । ସପ୍ତମ ଶ୍ରେଣୀର ଛାତ୍ରଙ୍କୁ ହଷ୍ଟେଲ କାନ୍ଥ ଡେଇଁ ପ୍ରଦୀପ ମାଝୀ ଉଦ୍ଧାର କରିଛନ୍ତି । ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି କୋଷାଗୁମଡା ବ୍ଳକ୍ କେ.ସେମଳା ଗାଁର ସରକାରୀ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ହଷ୍ଟେଲରେ । ଆହତ ଛାତ୍ରଙ୍କୁ ଉଦ୍ଧାର କରି ଜିଲ୍ଲାପାଳଙ୍କୁ ଛାତ୍ରର ଚିକିତ୍ସା କରିବାକୁ ହସ୍ତାନ୍ତର କରିଛନ୍ତି । ଆଶ୍ରମ ସ୍କୁଲ କର୍ତ୍ତୃପକ୍ଷଙ୍କ ଛାତ୍ରଙ୍କ ପ୍ରତି ଅମାନୁଷିକ ଯନ୍ତ୍ରଣା ଦେଇଥିବା ନେଇ ପ୍ରଦୀପ ଦୃଢ ନିନ୍ଦା କରିଛନ୍ତି । ପ୍ରେସର କୁକର ଫାଟି ଛାତ୍ରଙ୍କ ଆହତ ଘଟଣା ବାହାରେ ପ୍ରଘଟ ହେବା ଭୟରେ ଛାତ୍ରଙ୍କୁ ଚିକିତ୍ସା ନକରି ହଷ୍ଟେଲରେ ବନ୍ଦୀ ଭାବେ ରଖିଥିଲେ । ବିସ୍ଫୋରଣରେ ଛାତ୍ରର ମୁହଁ ନାକ, ଆଖି,ଗାଲ ଚମଡାଗୁଡିକ ପୋଡି ଯାଇଛି । ରୋଷେୟା ମଦ ପିଇ ରୋଷେଇ ନକରି କରି ଶୋଇଥିଲେ । ହଷ୍ଟେଲ ରହୁଥିବା ଛାତ୍ରମାନେ ନିଜେ ନିଜେ ରୋଷେଇ କରୁଥିବା ସମୟରେ ଘଟିଥିଲା ଅଘଟଣ । ଅପରପକ୍ଷରେ ସ୍କୁଲ କତ୍ତୃପକ୍ଷ ଯଦି ଭୁଲ କରିଛନ୍ତି ଆଗାମୀ ଦିନରେ ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲା ମଙ୍ଗଳ ଅଧିକାରୀ ଓ ଜିଲ୍ଲାପାଳ କହିଛନ୍ତି ।

Latest Posts

Don't Miss