ନନ୍ଦିଘୋଷ ବ୍ୟୁରୋ : ଦିଲ୍ଲୀରେ ବିଗିଡ଼ିଲା ବାୟୁ ଗୁଣବତ୍ତା। ଅତି ଖରାପ ସ୍ତରରେ ରହିଛି ଏକ୍ୟୁଆଇ। ଆଜି ସକାଳେ ଏକ୍ୟୁଆଇ ୪୦୦ ରହିବା ଯୋଗୁ ସ୍ଥିତି ସଂଗୀନ ହୋଇଛି। ଏହାକୁ ସିଭିୟର କାଟେଗୋରୀ ସ୍ତରକୁ ନିଆଯାଇଛି। ଦିଲ୍ଲୀର ଅଧିକାଂଶ ସ୍ଥାନରେ ଦୃଶ୍ୟମାନ ଦୂରତା ହ୍ରାସ ପାଇଥିବାରୁ ସବୁଠି ସମସ୍ୟା ଦେଖାଦେଇଛି। ତାପମାତ୍ରା କମିବା ସହ ପବନର ବେଗ କମିବା ଯୋଗୁ ସ୍ଥିତି ଅଧିକ ଖରାପ ହୋଇଛି। ବିଶେଷ କରି ଦୀପାବଳି ପରଠାରୁ ଦିଲ୍ଲୀରେ ବାୟୁ ଗୁଣବତ୍ତା କ୍ରମାଗତ ଭାବେ ଖରାପ ସ୍ଥିତିରେ ରହିଛି। କିଛି ଦିନ ଧରି ଏହି ଅବସ୍ଥା ଲାଗି ରହିବା ଆଶଙ୍କା ପ୍ରକାଶ ପାଇଛି।
