ପୁରୀ ଦଳାଚକଟା ତଦନ୍ତ ରିପୋର୍ଟକୁ ନେଇ ବିଜେପି ଉପରେ ବର୍ଷିଲା କଂଗ୍ରେସ । ୧୭ ମାସର ତଦନ୍ତ ଚାଲିଥିଲା, କାଲି ଗୋଟିଏ ପୃଷ୍ଠା ରିପୋର୍ଟ ସାର୍ବଜନୀନ ହୋଇଛି । ନୂଆପଡା ଉପ ନିର୍ବାଚନ ସମୟରେ ପୁରୀ ଦଳାଚକଟା ରିପୋର୍ଟ ପ୍ରକାଶ ପାଇବା ଗୋଟିଏ ଗୁଳିରେ ଦୁଇଟି ଶିକାର । ତର୍କ ବିତର୍କ ଭିତରେ ସଭିଏଁ ବ୍ୟସ୍ତ ରହିବେ । ଭୋଟ ଚୋରି ପାଇଁ ବାଟ ଫିଟାଇ ଦିଆଗଲା । ଦକ୍ଷ ସରକାର ପ୍ରମାଣିତ କରିବା ପାଇଁ ନିଜ ପିଠି ନିଜେ ଥାପୁଡୁଛନ୍ତି । ଗତ ବର୍ଷ ରଥଯାତ୍ରା ସମୟରେ ବଡ଼ ଠାକୁର ରଥରୁ ପଡିଲେ, ସେ ରିପୋର୍ଟ ଆସିଲା ନାହିଁ। ରଥଯାତ୍ରାକୁ ପରିଚାଳନା ମନ୍ତ୍ରିସ୍ତରୀୟ କମିଟି ଗଠନ ହୋଇଥିଲା । ଉପ ମୁଖ୍ୟମନ୍ତ୍ରୀ ଅଧ୍ୟକ୍ଷତାରେ ଆଇନ ମନ୍ତ୍ରୀ ସ୍ୱାସ୍ଥ୍ୟମନ୍ତ୍ରୀ ଅନ୍ୟ ମନ୍ତ୍ରୀ ସଦସ୍ୟ ଥିଲେ। ଏବେ ଏହି କମିଟିର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠିଛି । ଏହି କମିଟି କର୍ଡନ ପାସ ବେପାର କରିବା ପାଇଁ ଗଠନ ହୋଇଥିଲା କି ବୋଲି ପ୍ରଶ୍ନ କରିଛି କଂଗ୍ରେସ । ଛୋଟ ମୁଣ୍ଡ କୁ ଧରି ବଡ଼ ବଡ଼ିଆଙ୍କୁ ଖସେଇବା ପାଇଁ ବାଟବଣା ତଦନ୍ତର ମିଛକୁ ନେଇ ଏହି ରିପୋର୍ଟ ସାର୍ଵ ଜନନୀ କରାଯାଇଛି । RTIରେ କିଛି ତଥ୍ୟ ଦିଆଗଲା ନାହିଁ ।
