ନନ୍ଦିଘୋଷ ବ୍ୟୁରୋ: ରୁଷିଆରେ ହେଲିକପ୍ଟର କ୍ରାସରେ ୫ ମୃତ, ୨ ଆହତ। ରୁଷିଆର ଦେସ୍ତାନ ରିପବ୍ଲିକ ଅନ୍ତର୍ଗତ କାସ୍ପିଆନ ସାଗର ନିକଟରେ ଘଟିଛି ମର୍ମନ୍ତୁଦ ଦୁର୍ଘଟଣା। କାମୋଭ କେଏ-୨୨୬ ହେଲିକପ୍ଟର RA-19307 ଦୁର୍ଘଟଣାର ତଦନ୍ତ ଆରମ୍ଭ ହୋଇଛି। ଏମରଜେନ୍ସି ସିଚୁଏନସ୍ ମନ୍ତ୍ରାଳୟ ପକ୍ଷରୁ କୁହାଯାଇଛି ଦାଗେସ୍ତାନର ୨ ସହର ମଧ୍ୟରେ ଚଳାଚଳ କରୁଥିଲା। ହେଲିକପ୍ଟରଟି ଏକ ଘରେ ବାଜିବା ଯୋଗୁ ଘରଟି କ୍ଷତିଗ୍ରସ୍ତ ହୋଇଛି। ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିଲା। ଏହି ହେଲିକପ୍ଟରର କିଜଲାର ଇଲେକ୍ଟ୍ରୋମେକାନିକାଲ ପ୍ଲାଣ୍ଟ ମାଲିକାନାରେ ଥିଲା। ଏହି ଘଟଣାରେ ଏକ ଆପରାଧିକ ମାମଲା ରୁଜୁ ହୋଇଛି। ଉଡାଣ ସଂକ୍ରାନ୍ତ ନିରାପତ୍ତା ନିୟମାବଳୀ ନମାନିବା କାରଣରୁ ଏହି ମାମଲା ରୁଜୁ ହୋଇଛି। ହେଲିକପ୍ଟରର ଯାନ୍ତ୍ରିକ ତ୍ରୁଟି କିମ୍ବା ଅନ୍ୟ କାରଣ ସମ୍ପର୍କରେ ଯାଞ୍ଚ ଚାଲିଛି। ହେଲିକପ୍ଟରରେ ମୋଟ ୭ ଜଣ ଯାତ୍ରୀ ଥିଲେ।
