ଅଲୋଡା ପାଲଟିଛନ୍ତି ସରକାରୀ ବିଦ୍ୟଳୟ ଛାତ୍ରଛାତ୍ରୀ : ୬ ମାସରୁ ଅଧିକ ସମୟ ବିତିଲାଣି ହେଲେ ପିଲାଙ୍କୁ ମିଳିନି ୟୁନିଫର୍ମ

ନନ୍ଦିଘୋଷ ବ୍ୟୁରୋ : ସରକାର ବଦଳିବା ପରେ ଅଲୋଡା ପାଲଟିଛନ୍ତି ସରକାରୀ ବିଦ୍ୟାଳୟର ଛାତ୍ରଛାତ୍ରୀ । ଶିକ୍ଷା ବର୍ଷର ୬ ମାସରୁ ଅଧିକ ସମୟ ବିତିଲାଣି ହେଲେ ଏଯାଏଁ ପିଲାଙ୍କୁ ମିଳିନି ୟୁନିଫର୍ମ । ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁରରେ କୌଣସି ବିଦ୍ୟାଳୟରେ ମିଳିନି ନୂତନ ପୋଷାକ । ଜୋତା ବଦଳରେ ଚପଲ, ପୁରୁଣା ଓ ଛିଣ୍ଡା ପୋଷାକ ପିନ୍ଧି ସ୍କୁଲ ଆସୁଛନ୍ତି ପିଲା । ଯାହାକୁ ନେଇ ଶିକ୍ଷକ ଓ ଅଭିଭାବକ ମହଲରେ ଅସନ୍ତୋଷ ଦେଖାଦେଇଛି ।

ସରକାର ବଦଳିବା ପରେ ଅଲୋଡା ପାଲଟିଛନ୍ତି ସରକାରୀ ବିଦ୍ୟାଳୟ ଛାତ୍ରଛାତ୍ରୀ । ୨୦୨୫-୨୬ ଶିକ୍ଷାବର୍ଷର ୬ ମାସରୁ ଅଧିକ ସମୟ ବିତିଲାଣି ହେଲେ ଏଯାଏଁ ପିଲାଙ୍କୁ ମିଳିନି ୟୁନିଫର୍ମ । ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁରରେ କୌଣସି ବିଦ୍ୟାଳୟରେ ମିଳିନାହିଁ ନୂତନ ପୋଷାକ । ପୁରୁଣା, ଛିଣ୍ଡା ଓ ଘରୋଇ ପୋଷାକ ପିନ୍ଧି ସ୍କୁଲ ଆସୁଛନ୍ତି ଛାତ୍ରଛାତ୍ରୀ । ନା ବେକରେ ପଡିଛି ପରିଚୟ ପତ୍ର ନା ପାଦରେ ଜୋତା । ପୂର୍ବ ସରକାରଙ୍କ ସମୟରେ ପିଲାଙ୍କୁ ସଠିକ ସମୟରେ ବହି ପତ୍ର, ପୋଷାକ, ଜୋତା ଯୋଗାଇ ଦିଆଯାଉଥିଲା । ହେଲେ ବିଜେପି ସରକାର ଆସୁଆସୁ ୟୁନିଫର୍ମର ରଙ୍ଗ ତ ବଦଳାଇ ଦେଲେ ହେଲେ ପିଲାଙ୍କୁ ପୋଷାକ ଯୋଗାଇବେ କେବେ ?

ପୁରୀ ଜିଲ୍ଲା ଅସ୍ତରଙ୍ଗ ବ୍ଲକରେ ୨୨ଟି ହାଇସ୍କୁଲ ରହିଥିବା ବେଳେ କୌଣସି ସ୍କୁଲରେ ନୂଆ ପୋଷାକ ମିଳିନାହିଁ । ଅନେକଙ୍କ ସ୍କୁଲ ଡ୍ରେସ ଚିରି ଯାଇଥିବାରୁ ପିଲା ବିଦ୍ୟାଳୟ ଆସିବାକୁ ଅମଙ୍ଗ ହେଉଛନ୍ତି । ଯାହାକୁ ନେଇ ଶିକ୍ଷକ ଓ ଅଭିଭାବକ ମହଲରେ ଅସନ୍ତୋଷ ଦେଖାଦେଇଛି । ସରକାର ତୁରନ୍ତ ପିଲାଙ୍କୁ ପୋଷାକ ଓ ଜୋତା ଯୋଗାଇଦେବାକୁ ଅନୁରୋଧ କରିଛନ୍ତି ଶିକ୍ଷାବିତ । ଅନ୍ୟପଟେ ଏ ସଂପର୍କରେ ମଣ୍ଡଳ ଶିକ୍ଷାଧିକାରୀଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।