ଗୋଲ୍ଡ ଲୋନ କମ୍ପାନୀ କର୍ମଚାରୀ ଲକ୍ଷାଧିକ ଟଙ୍କା ଠକେଇ କରି ଫେରାର ଅଭିଯୋଗ

ଗୋଲ୍ଡ ଲୋନ କମ୍ପାନୀ କର୍ମଚାରୀ ଠକେଇ କରି ଫେରାର ଅଭିଯୋଗ । ଯାଜପୁର ଟାଉନ ଶୀତଳେଶ୍ବର ଅଞ୍ଚଳରେ ଥିବା ଗୋଲ୍ଡ ଲୋନ କମ୍ପାନୀରେ କାର୍ଯ୍ୟରତ ଜନୈକ କର୍ମଚାରୀ ବିଭିନ୍ନ ଖାଉଟିଙ୍କ ଠାରୁ ଠକେଇ କରି ଲକ୍ଷାଧିକ ଟଙ୍କା ନେଇ ଫେରାର ହୋଇଯାଇଥିବା ଅଭିଯୋଗ ହୋଇଛି । ଅଭିଯୋଗ ମୁତାବକ ଆଲୋକ କୁମାର ବାଡିଆ ନାମକ ଜନୈକ କର୍ମଚାରୀ ଉପଭୋକ୍ତାଙ୍କ ଠାରୁ ଲକ୍ଷାଧିକ ଟଙ୍କା ନେଇ ଫେରାର ହୋଇଯାଇଛନ୍ତି । ଗ୍ରାହକଙ୍କ ଆକାଉଣ୍ଟରେ ଟଙ୍କା ଡିପୋଜିଟ କରିବା ନାଁରେ ସେ ଏଭଳି ଠକେଇ କରିନେଇଥିବା ଏକାଧିକ ଗ୍ରାହକ ଶୀତଳେଶ୍ଵର ବ୍ରାଞ୍ଚରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ବ୍ରାଂଚ ମ୍ୟାନେଜର ରାଜା ରାମମୋହନ ରାୟ ଯାଜପୁର ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି। ଏ ସଂକ୍ରାନ୍ତରେ ପୋଲିସ ଅଭିଯୋଗ ପାଇବା ପରେ ଘଟଣାର ପ୍ରାଥମିକ ତଦନ୍ତ ଆରମ୍ଭ କରିଛି।