କୋଲକାତା ଛାତ୍ରୀଙ୍କୁ ଗଣଦୁଷ୍କର୍ମ ଘଟଣା : ୪ ଅଭିଯୁକ୍ତଙ୍କୁ ସିନ୍ ରିକ୍ରିଏସନ କରାଇଲା ପୋଲିସ

ନନ୍ଦିଘୋଷ ବ୍ୟୁରୋ : କୋଲକାତା ଆଇନ କଲେଜ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣା। ୪ ଅଭିଯୁକ୍ତଙ୍କୁ କ୍ରାଇମସ୍ପଟକୁ ନେଇ କୋଲକାତା ପୋଲିସର ସିନ ରିକ୍ରିଏସନ। ଗିରଫଙ୍କ ମଧ୍ୟରେ ଅଛନ୍ତି ୩ ମୁଖ୍ୟ ଅଭିଯୁକ୍ତ ଛାତ୍ରଙ୍କ ସହ ଜଣେ ଚୁକ୍ତିଭିତ୍ତିକ ଗାର୍ଡ। ଭୋର ସାଢେ ୪ଟାରୁ ସମସ୍ତଙ୍କୁ ନେଇ କୋଲକାଲା ପୋଲିସ ସିନ ରିକ୍ରିଏସନ କରିଛି। ଦୀର୍ଘ ୪ ଘଣ୍ଟା ଧରି ଚାଲିଥିଲା ଏ ପ୍ରକ୍ରିୟା। ଆଜି ସରୁଛି ଚତୁର୍ଥ ଅଭିଯୁକ୍ତ ଗାର୍ଡର ରିମାଣ୍ଡ ଅବଧି।

ଅଭିଯୁକ୍ତ ସୁରକ୍ଷାକର୍ମୀ ପିନାକୀ ବାନାର୍ଜୀକୁ ଆଜି କୋର୍ଟ ଚାଲାଣ କରାଯିବ। ସେପଟେ ଅଭିଯୁକ୍ତ ଛାତ୍ର ପ୍ରମିତ ମୁଖାର୍ଜୀ, ମନୋଜିତ ମିଶ୍ର ଏବଂ ଜାଇବ ଅହମ୍ମଦକୁ କ୍ରାଇମ ସ୍ପଟକୁ ନେଇ ସିନ ରିକ୍ରିଏସନ କରିଛି କୋଲକାତା ପୋଲିସ। ଅପରାଧ ଦୃଶ୍ୟର ପୁନଃନିର୍ମାଣ ତଦନ୍ତର ଏକ ଗୁରୁତ୍ୱପୂର୍ଣ୍ଣ ଅଂଶ। ଆଉ ସିନ ରିକ୍ରିଏସନ ପୋଲିସ ସମାପ୍ତ କରିଥିବା କହିଛି ପୋଲିସ। ସିନ ରିକ୍ରିଏସନ କରିବା ପରେ ପୁଣି ଅଭିଯୁକ୍ତଙ୍କୁ ଥାନାକୁ ନିଆଯାଇଥିଲା। ଏହି ତଥ୍ୟକୁ ନେଇ ଅଭିଯୋଗ କରିଥିବା ପୀଡ଼ିତାଙ୍କ ତଥ୍ୟ ସହ ଯାଞ୍ଚ କରାଯିବ।

ଗତ ଜୁନ୍ ୨୫ ତାରିଖ ସନ୍ଧ୍ୟାରେ ଘଟିଥିଲା ଏ ଲଜ୍ଜାଜନକ ଘଟଣା। ପୀଡିତା ପୋଲିସରେ କରିଥିବା ଅଭିଯୋଗରେ ଅନୁସାରେ କ୍ୟାମ୍ପସ ଭିତରେ ଥିବା ଗାର୍ଡଙ୍କ ରୁମ ସମେତ ବିଭିନ୍ନ ସ୍ଥାନରେ ତିନି ଘଣ୍ଟାରୁ ଅଧିକ ସମୟ ଧରି ଅପରାଧ ଘଟିଥିଲା।ତଦନ୍ତ ବର୍ତ୍ତମାନ କୋଲକାତା ପୋଲିସର ଡିଟେକ୍ଟିଭ୍ ବିଭାଗ ଦ୍ୱାରା କରାଯାଉଛି।ଡାକ୍ତରୀ ପରୀକ୍ଷା, ଏବଂ ପାରିପାର୍ଶ୍ୱିକ ସ୍ଥିତିରୁ ଛାତ୍ରୀଙ୍କୁ ଗଣଦୁଷ୍କର୍ମ ହୋଇଥିବା ନେଇ ପ୍ରମାଣ ମିଳିଛି।