କେନ୍ଦ୍ର ସରକାରଙ୍କୁ ରେକର୍ଡ ପରିମାଣର ଅର୍ଥ ପ୍ରଦାନ କରିବ ଆରବିଆଇ

ନୂଆଦିଲ୍ଲୀ: କେନ୍ଦ୍ର ସରକାରଙ୍କୁ ଡିଭିଡେଣ୍ଟ ବାବଦରେ ଭାରତୀୟ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ପ୍ରଦାନ କରିବାକୁ ଯାଉଛି ୨ ଲକ୍ଷ ୭୦ ହଜାର କୋଟି ଟଙ୍କା। ଯାହା କି ସର୍ବକାଳୀନ ରେକର୍ଡ। ଏତେ ପରିମାଣର ଟଙ୍କା ପୂର୍ବରୁ ଆରବିଆଇ କେବେ ବି ପ୍ରଦାନ କରିନଥିଲା। ୨୦୨୩-୨୪ ଅର୍ଥିକ ବର୍ଷରେ ଆରବିଆଇ କେନ୍ଦ୍ର ସରକାରଙ୍କୁ ପ୍ରଦାନ କରିଥିଲା ୨ ଲକ୍ଷ ୧୦ ହଜାର କୋଟି।

୨୦୨୪-୨୫ ଆର୍ଥିକ ବର୍ଷରେ ଅରବିଆଇ ବଳକା ଲାଭାଶଂରୁ ପ୍ରଦାନ କରୁଥିବା ଟଙ୍କା ଗତବର୍ଷ ଅପେକ୍ଷା ୨୭.୪ ପ୍ରତିଶତ ଅଧିକ। ଲଗାତାର ଭାବେ ଆରବିଆଇ ଠାରୁ ଏବର କେନ୍ଦ୍ର ସରକାର ବର୍ଷକୁ ଲକ୍ଷାଧିକ କୋଟି ଟଙ୍କାର ଡିଭିଡେଣ୍ଟ ନେଉଛନ୍ତି। କେନ୍ଦ୍ର ସରକାରଙ୍କ ବିତ୍ତୀୟ ନିଅଣ୍ଟ ଭରଣା ପାଇଁ ଏହି ଅର୍ଥ ସହାୟକ ହେବ ବୋଲି କୁହାଯାଉଥିବା ବେଳେ ଅର୍ଥନୀତି ବିଶେଷଜ୍ଞ ମାନେ ଏହାକୁ ନେଇ ପ୍ରଶ୍ନ ଉଠାଇଛନ୍ତି।