ନନ୍ଦିଘୋଷ ବ୍ୟୁରୋ: ଜମ୍ମୁ-କାଶ୍ମୀର କିସ୍ତୱାଡରେ ସେନାର ଏନକାଉଣ୍ଟର। ୪ ଜଣ ଆତଙ୍କୀ ଲୁଚିଥିବା ସନ୍ଦେହରେ ଚାଲିଛି ସର୍ଚ୍ଚ ଅପରେସନ। ଆତଙ୍କୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଜୋରଦାର ଗୁଳିବିନିମୟ ହୋଇଛି। ଏନକାଉଣ୍ଟରସ୍ଥଳ ପରିଦର୍ଶନ କରି ସ୍ଥିତିର ସମୀକ୍ଷା କରିଛନ୍ତି ଜାମ୍ମୁ କାଶ୍ମୀର ଡିଜିପି। ଆତଙ୍କୀଙ୍କୁ ନିପାତ କରିବାକୁ ମିଳିତ ଯବାନଙ୍କ ପକ୍ଷରୁ ଚାଲିଛି ସର୍ଚ୍ଚ ଅପରେସନ। ଏଥିରେ ସେନାର ଯବାନଙ୍କ ସମେତ ସିଆରପିଏଫ ଓ ଏସଓଜିର ଯବାନ ସାମିଲ ହୋଇଛନ୍ତି।
ସିଂହପୋରା-ଚାଟରୁ ଅଞ୍ଚଳ ପରିଦର୍ଶନ କରିଛନ୍ତି ଡିଜିପି। ଏଠାରେ ବଡ଼ ଆତଙ୍କବାଦ ବିରୋଧୀ ଅଭିଯାନ ଚାଲିଛି। ଆତଙ୍କୀ ଏହି ଅଂଚଳରେ ଲୁଚି ରହିଥିବା ସନ୍ଦେହ କରାଯାଉଛି। ଆତଙ୍କବାଦୀମାନଙ୍କୁ ବାହାର କରିବା ପାଇଁ ଏକ ବଡ଼ କମ୍ବିଂ ଅପରେସନ୍ ଆରମ୍ଭ କରାଯାଇଛି। ଅପରେସନରେ ଜାମ୍ମୁ କାଶ୍ମୀର ପୋଲିସ ମଧ୍ୟ ସାମିଲ ହୋଇଛି।
