୯୦ ଦଶକରେ ଏହି ଗୀତ ପାଇଁ ହିଟ୍ ହୋଇଥିଲେ ମାଆ, ଏବେ ଝିଅ ଦେଖାଇଲେ ଜଲଓ୍ବା

ନନ୍ଦିଘୋଷ ବ୍ୟୁରୋ: ଟିପ୍ ଟିପ୍ ବର୍ଷା ପାନି । ୯୦ ଦଶକରେ ଏହି ଗୀତଟି ବେଶ ହିଟ୍ ହୋଇଥିଲା । ଆଜି ମଧ୍ୟ ଏହି ଗୀତକୁ ଶ୍ରୋତାମାନେ ଗୁଣୁଗୁଣାଉ ଥିବାବେଳେ ଯାତ୍ରା ମଞ୍ଚରେ ନୃତ୍ୟ ଶିଳ୍ପୀମାନେ ନିଜର ଜଲଓ୍ବା ଦେଖାଉଛନ୍ତି । ଅକ୍ଷୟ କୁମାର ଏବଂ ରବିନା ଟଣ୍ଡନଙ୍କ ଅଭିନୀତ ଏହି ଗୀତଟି ବେଶ ହିଟ୍ ହୋଇଥିଲା । ୧୯୯୪ ମସିହାରେ ରିଲିଜ୍ ହୋଇଥିବା ମୋହରା ଫିଲ୍ମରେ ଏହି ଗୀତଟି ରହିଥିଲା । ଫିଲ୍ମ ସାଙ୍ଗକୁ ଗୀତକୁ ମଧ୍ୟ ବେଶ ଭଲ ପାଇବା ମିଳିଥିଲା । ଏବେ ରବିନାଙ୍କ ଝିଅ ରାଶା ଏହି ଗୀତରେ ଠୁମକା ଲଗାଇଛନ୍ତି । ଏକ ଆଓ୍ବାର୍ଡ ଶୋ’ରେ ସେ ନିଜ ମାଆଙ୍କ ଏହି ଗୀତରେ ନାଚିଛନ୍ତି ।

ରାଶା ଏକ ହଳଦିଆ ରଙ୍ଗର ପୋଷାକ ପିନ୍ଧିଥିବାବେଳେ ସୁନ୍ଦର ଡ୍ୟାନ୍ସ କରିଛନ୍ତି । ଯାହାକି ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଥିବାବେଳେ ୟୁଜର୍ସମାନେ ଭଲ ଭଲ କମେଣ୍ଟ ଦେଉଛନ୍ତି । ତେବେ କହି ରଖୁଛୁ କି, ରାଶା ଅଜୟ ଦେବଗନଙ୍କ ଫିଲ୍ମ ଆଜାଦ ରିଆରେ ବଲିଉଡରେ ଡେବ୍ୟୁ କରିସାରିଛନ୍ତି । ଯଦିଓ ଏହି ଫିଲ୍ମଟି ବକ୍ସ ଅଫିସରେ ଫ୍ଲପ ହୋଇଛି କିନ୍ତୁ ଦର୍ଶକେ ତାଙ୍କ ଅଭିନୟକୁ ବେଶ ଭଲପାଇବା ଦେଇଛନ୍ତି ।   ତାଙ୍କର ଏକ ଗୀତ ମଧ୍ୟ ବେଶ ଭାଇରାଲ ହୋଇଛି । ତେବେ ଆଗାମୀ ଦିନରେ କେଉଁଭଳି ଭାବେ ଦର୍ଶକଙ୍କୁ ଉପହାର ଦେଉଛନ୍ତି ତାହା ଉପରେ ରହିଛି ସମସ୍ତଙ୍କ ନଜର ।