ନନ୍ଦିଘୋଷ ବ୍ୟୁରୋ: ପାକିସ୍ତାନ ଉପରେ ଭାରତର ଡ୍ରୋନ୍ ଆକ୍ରମଣ କରିଛି । ପାକିସ୍ତାନରେ ଏବେ ଭୟର ବାତାବରଣ ରହିଥିବା ରିପୋର୍ଟରେ ପ୍ରକାଶ ପାଇଛି । ତେବେ ଏହାରି ଭିତରେ ତିନି ସେନା ମୁଖ୍ୟଙ୍କ ସହ ବୈଠକ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଏହି ଗୁରୁତ୍ବପୂର୍ଣ୍ଣ ବୈଠକର ଏକ ଫଟୋ ବାହାରକୁ ଆସିଛି । ଯେଉଁଥିରେ ସମସ୍ତଙ୍କ ମୁହଁରେ ବେଶ ହସ ରହିଛି । ଫଟୋରେ ଦେଖା ଯାଇଥିବା ସମସ୍ତଙ୍କ ମୁହଁର ହାଲକା ହସ ଦେଶ ଏବଂ ବିଶ୍ବକୁ ଅନେକ ବାର୍ତ୍ତା ଦେଉଛି । ଆଗାମୀ ଯୋଜନା ପାଇଁ ଅନେକ ପ୍ରସ୍ତୁତି କରାଯାଇଛି । ଅନୁଷ୍ଠିତ ଏହି ବୈଠକରେ ସ୍ଥଳସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ, ବାୟୂସେନା ମୁଖ୍ୟ ଏୟାର ଚିଫ୍ ମାର୍ଶାଲ ଏପି ସିଂ, ନୌସେନା ମୁଖ୍ୟ ଆଡମିରାଲ ଦିନେଶ କେ. ତ୍ରିପାଠୀ ଏବଂ ପ୍ରତିରକ୍ଷା କର୍ମଚାରୀ ମୁଖ୍ୟ ଜେନେରାଲ ଅନିଲ ଚୌଧୁରୀ ପ୍ରମୁଖ ଉପସ୍ଥିତ ରହିଥିଲେ । ଏହି ଫଟୋରୁ ସ୍ପଷ୍ଠଭାବେ ଜଣା ପଡ଼ୁଛି କି, ଦେଶ ସୁରକ୍ଷିତ, ନେତୃତ୍ବ ସଜାଗ ଏଣୁ ଭୟଭୀତ ହେବାର କୌଣସି ଆବଶ୍ୟକ ନାହିଁ ।
