ନନ୍ଦିଘୋଷ ବ୍ୟୁରୋ ; ପହଲଗାଓଁ ଆତଙ୍କୀ ଆକ୍ରମଣ ଘଟଣା ପରେ ଭାରତ ଓ ପାକିସ୍ତାନ ମଧ୍ୟରେ ବଢୁଛି ଉତ୍ତେଜନା। ଗୋଳାବାରୁଦ କାରଖାନା କର୍ମଚାରୀଙ୍କ ଛୁଟି ବାତିଲ। ଜରୁରୀ ଆବଶ୍ୟକତା ଥିଲେ ମିଳିପାରିବ ଛୁଟି। ସୀମାରେ ଉତ୍ତେଜନା ମଧ୍ୟରେ ସେନାକୁ ଗୋଳାବାରୁଦ ଯୋଗାଣ କରୁଥିବା ଗୋଳାବାରୁଦ କାରଖାନାର ଛୁଟି ବାତିଲ କରାଯାଇଛି। ସମସ୍ତ କର୍ମଚାରୀଙ୍କୁ ଏହି ଗୁରୁତ୍ୱପୂର୍ଣ୍ଣ ସମୟରେ ଜାତୀୟ ଆବଶ୍ୟକତା ଅନୁଯାୟୀ ନିରବଚ୍ଛିନ୍ନ ଭାବରେ ଡ୍ୟୁଟିରେ ଯୋଗଦେବାକୁ ନିର୍ଦ୍ଦେଶ ଦିଆଯାଇଛି। ମହାରାଷ୍ଟ୍ରର ଚନ୍ଦ୍ରପୁର, ମଧ୍ୟପ୍ରଦେଶର ଜବଲପୁର କର୍ମଚାରୀଙ୍କ ଛୁଟି ବାତିଲ ହୋଇଛି। ଏହି ପଦକ୍ଷେପ ଏପରି ଏକ ସମୟରେ ନିଆଯାଇଛି, ଯେତେବେଳେ ସାରା ଦେଶରେ ପ୍ରତିରକ୍ଷା ପ୍ରସ୍ତୁତି ବୃଦ୍ଧି ପାଇଛି।
