ନନ୍ଦିଘୋଷ ବ୍ୟୁରୋ: ପୁଣି ପାକିସ୍ତାନ ବିରୋଧରେ ଭାରତର ପଦକ୍ଷେପ। ପାକ୍ ସୂଚନା ଓ ପ୍ରସାରଣ ମନ୍ତ୍ରୀ ଅତାଉଲ୍ଲା ତରାରଙ୍କ ଏକ୍ସ ଆକାଉଣ୍ଟକୁ ବ୍ଳକ କରିଛି ଭାରତ। ଗତକାଲି ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ୟୁଟ୍ୟୁବ ଚାନେଲକୁ ଭାରତ ସରକାର ନିଷିଦ୍ଧ କରିଥିବାବେଳେ ଆଜି ତରାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି। ତିନି ଦିନ ତଳେ ତରାର କହିଥିଲେ ଆସନ୍ତା ୨୪ରୁ ୩୬ ଘଣ୍ଟା ଭିତରେ ପାକିସ୍ତାନ ଉପରେ ଭାରତ କରିବ ଆକ୍ରମଣ। ବିଶେଷ ଗୁଇନ୍ଦା ସୂତ୍ରରୁ ସେ ଏହା କହିଥିବା ପ୍ରସାରିତ ହୋଇଥିଲା।
