ଡବଲ ଇଞ୍ଜିନର ଗୋଟିଏ ଇଞ୍ଜିନ ଆର ଇଞ୍ଜିନର ପକ୍ଷ ଛେଦନ କରୁଛି : ପ୍ରସନ୍ନ ଆଚାର୍ଯ୍ୟ

ଭୁବନେଶ୍ବର ; ଏପ୍ରିଲ ପହିଲା ଓଡିଶା ଦିବସଠାରୁ ଏପ୍ରିଲ ୧୪ ମହାବିଷୁବ ସଂକ୍ରାନ୍ତି ଓଡ଼ିଆ ନବବର୍ଷ ପର୍ଯ୍ୟନ୍ତ ରାଜ୍ଯ ସରକାର ଓଡ଼ିଆ ପକ୍ଷ ପାଳନ କରିବେ ବୋଲି ଘୋଷଣା କରିଛନ୍ତି । ଯାହାକୁ ବିଜେଡି କଟାକ୍ଷ କରିଛି । ଡବଲ ଇଞ୍ଜିନ ସରକାରରେ ଗୋଟିଏ ଇଞ୍ଜିନ ଆଉ ଗୋଟେ ଇଞ୍ଜିନର ପକ୍ଷ ଛେଦନ କରୁଛନ୍ତି । ଏମିତିରେ ସରକାର କି ଓଡ଼ିଆ ପକ୍ଷ ପାଳନ କରିବେ ବୋଲି ପ୍ରଶ୍ନ କରିଛି ବିଜେଡି । ଓଡିଶା ସରକାର ଦଶ ମାସରେ କେତେ କେନ୍ଦ୍ରୀୟ ଅନୁଦାନ ପାଇଛନ୍ତି ? ତାର ହିସାବ ଦେବେ କି ସରକାର ? କେନ୍ଦ୍ର ସରକାର ପ୍ରତ୍ଯେକ ଦିନ ରାଜ୍ୟ ସ୍ୱାର୍ଥର ପକ୍ଷ ଛେଦନ କରୁଛନ୍ତି । ଓଡ଼ିଆ ପକ୍ଷ ପାଳନ କେବଳ ଏକ ପ୍ରହେଳିକା ।  ପ୍ରଥମେ ରାଜ୍ୟ ସରକାର ନିଜର ପକ୍ଷ ମଜଭୁତ କରନ୍ତୁ । ବିନା ଭୟରେ ବିନା ରାଜନୀତିରେ କେନ୍ଦ୍ର ପାଖରେ ନିଜର ପକ୍ଷ ଜୋରଦାର ଉପସ୍ଥାପନ କରନ୍ତୁ । ଯେମିତି ନବୀନ ବାବୁ କେନ୍ଦ୍ର ନିକଟରେ ଦାବି ଉପସ୍ଥାପନ କରି ସଫଳ ହେଉଥିଲେ ତାହା କରନ୍ତୁ । ନିର୍ବାଚନ ଜିତିବା ପାଇଁ କେବଳ ଅସ୍ମିତା କଥା କୁହନାହିଁ । ଏହାକୁ କାମରେ କରି ଦେଖାଇବାକୁ ଆହ୍ବାନ ଦେଇଛି ବିଜେଡି । ପ୍ରତ୍ଯେକ ଦିନ ଓଡ଼ିଆ ଅସ୍ମିତା କ୍ଷୁଣ୍ଣ ହେଉଛି । ତେଣୁ ଓଡ଼ିଆ ପକ୍ଷ ପାଳନ ଏକ ଘୋଡ଼ଣି ମାତ୍ର । ଏ ସରକାର ସବୁବେଳେ ଦୋ ଛୋକିରେ। କୌଣସି ନିଷ୍ପତ୍ତି ନେଇ ପାରୁ ନାହାନ୍ତି । ସରକାରଙ୍କୁ ରାସ୍ତା ମିଳୁନି ବୋଲି କଟାକ୍ଷ କରିଛନ୍ତି ବିଜେଡି ନେତା ତଥା ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ।