ମାଟ୍ରିକ ପରୀକ୍ଷାରେ କପି ଯୋଗାଇବା ଅଭିଯୋଗରେ ୬ ଶିକ୍ଷକ ନିଲମ୍ବିତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ

କଣ୍ଟାବାଞ୍ଜି: ମାଟ୍ରିକ ପରୀକ୍ଷାରେ କପି ଯୋଗାଇବା ଓ ଅବ୍ୟବସ୍ଥାକୁ ନେଇ ୬ ଶିକ୍ଷକ ନିଲମ୍ବିତ । ଘଟଣା ଅଞ୍ଚଳରେ ଘଟିଛି । ଅନ୍ୟପକ୍ଷରେ ଶିକ୍ଷକଙ୍କ ନିଲମ୍ବନକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ନିଲମ୍ବନ ପ୍ରତିବାଦରେ ଛାତ୍ରଛାତ୍ରୀ ଟିଟିଲାଗଡ-ଖଡ଼ିଆଳ ୫୯ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି ।

ମାଟ୍ରିକ ପରୀକ୍ଷାରେ କପି ସହ ଅବ୍ୟବସ୍ଥା ଅଭିଯୋଗରେ ୬ ଶିକ୍ଷକଙ୍କୁ ଜିଲ୍ଲା ପ୍ରଶାସନ ପକ୍ଷରୁ ନିଲମ୍ବନ କରାଯାଇଛି । ସେଥିମଧ୍ୟରୁ ମୁରିବାହାଲ ବ୍ଲକ ଯୁଗୀରଥା ସ୍କୁଲର ଶିକ୍ଷକ ସୋମନାଥ ଧଳ ମଧ୍ୟ ନିଲମ୍ବନ କରାଯାଇଛି । ଏହାକୁ ପ୍ରତିବାଦ କରି ଛାତ୍ରଛାତ୍ରୀମାନେ ଜାତୀୟ ରାଜପଥ ଅବରୋଧ କରିଛନ୍ତି । ଫଳରେ ଉଭୟ ପାର୍ଶ୍ବରେ ଯାନବାହନ ଅଟକି ରହିଥିଲା । ଖବରପାଇ ଘଟଣା ସ୍ଥଳରେ ମୁରିବାହାଲ ତହସିଲଦାର, ବିଇଓ ପହଁଚି ଛାତ୍ରଛାତ୍ରୀଙ୍କୁ ବୁଝାଶୁଝା କରୁଛନ୍ତି ।