ବାଂଲାଦେଶରେ ପୁଣି ଅରାଜକତା; ମୁଜିବୁରଙ୍କ ବାସଭବନରେ ନିଆଁ ଲଗାଇଲେ ଦୁର୍ବୃତ୍ତ

ନନ୍ଦିଘୋଷ ବ୍ୟୁରୋ: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ବାପାଙ୍କ ଘରେ ନିଆଁ ଲଗାଇ ଦେଲେ ଦୁର୍ବୃତ୍ତ। ପୁରା ଘର ଜଳି ଯାଇଛି। ଢାକାରେ ଥିବା ଏହି କୋଠାକୁ ମ୍ଯୁଜିୟମ କରାଯାଇଥିଲା । ଗତ ରାତିରେ ହଜାର ହଜାର ବିକ୍ଷୋଭକାରୀ ଏକାଠି ହୋଇ ଏହି କୋଠା ଆଗରେ ବିକ୍ଷୋଭ କରିଥିଲେ । ପରେ ନିଆଁ ଲଗାଇ ଦେଇଛନ୍ତି । ଗତ ରାତିରେ ହସିନା ଅନଲାଇନରେ ନିଜ ସମର୍ଥକଙ୍କୁ ଉଦବୋଧନ ଦେବା ବେଳେ ବିରୋଧୀମାନେ ଏହି କାଣ୍ଡ କରିଛନ୍ତି ।

ତାଙ୍କ ଦଳ ଆୱାମି ଲିଗର ଛାମୁଆ ସଂଗଠନ ଛାତ୍ର ଲିଗ୍ ପକ୍ଷରୁ ଏହାର ଆୟୋଜନ କରାଯାଇଥିଲା,। ବର୍ତ୍ତମାନର ସରକାରଙ୍କ ବିରୋଧରେ ବିକ୍ଷୋଭର ଆହ୍ଵାନ ଦେଇଥିଲା ଏହି ଛାତ୍ର ଲିଗ୍ । ସମର୍ଥକଙ୍କୁ ଶେଖ୍ ହସିନା ଓ ତାଙ୍କ ଝିଅ ଉଦବୋଧନ ଦେବା ବେଳେ ତାଙ୍କ ବିରୋଧୀ ମୁଜିବୁର୍ ରେହମାନଙ୍କ ବାସଭବନରେ ନିଆଁ ଲଗାଇ ଦେଇଥିଲେ।

ଶେଖ୍ ହସିନା କହିଥିଲେ, କେହି ଦେଶର ସମ୍ବିଧାନକୁ, ଜାତୀୟ ପତାକାକୁ, ସ୍ଵାଧୀନତାକୁ ଧ୍ଵଂସ କରିପାରିବେ ନାହିଁ । ଲକ୍ଷ ଲକ୍ଷ ଲୋକଙ୍କ ବଳିଦାନରେ ହିଁ ସ୍ଵାଧୀନତା ମିଳିଛି। ବୁଲଡୋଜରରେ ତାକୁ କେହି ଧ୍ଵଂସ କରିପାରିବେ ନାହିଁ। ଇତିହାସ ପୁଣି କଡ଼ ଲେଉଟାଇବ ବୋଲି କହିଥିଲେ ଶେଖ୍ ହସିନା। ସେ ଭାଷଣ ଦେଉଥିବା ବେଳେ ହିଁ ତାଙ୍କ ବାପାଙ୍କ ବାସଭବନରେ ଦୁର୍ବୃତ୍ତମାନେ ନିଆଁ ଲଗାଇ ଦେଇଥିଲେ।