ବଦଳିଛି କଲେଜର ରୂପରେଖ, ଛାତ୍ରଛାତ୍ରୀଙ୍କୁ ଆକୃଷ୍ଟ କରୁଛି କଲେଜର ଶୈକ୍ଷିକ ବାତାବରଣ

ଚଣ୍ଡୀଖୋଲ : ଯାଜପୁର ଜିଲ୍ଲା ବଡ଼ଚଣା ବ୍ଲକ ନୂଆହାଟ ସ୍ଥିତ ବିଷ୍ଣୁ ସାମନ୍ତରାୟ କଲେଜରେ ପୂର୍ବ ସରକାର ସମୟରେ କଲେଜର ରୂପାନ୍ତରୀକରଣ କରାଯାଇଛି । ସରକାରୀ କଲେଜରେ କିଭଳି ଘରୋଇ ଶିକ୍ଷାନୁଷ୍ଠାନ ଭଳି ସୁବିଧା ସୁଯୋଗ ପାଇବେ ତାହାର ସମ୍ପୂର୍ଣ୍ଣ ବ୍ଯବସ୍ଥା କରିଥିଲେ ପୂର୍ବ ସରକାର । ଉତ୍ତମ ପରିବେଶ ମଧ୍ୟରେ ଆଧୁନିକ ବ୍ଯବସ୍ଥାରେ ପାଠପଢ଼ିବାର ସୁଯୋଗ ପାଉଛନ୍ତି ଛାତ୍ରଛାତ୍ରୀ । ଏହି କଲେଜରେ ମୋଟ ୧ ହଜାର ୭୨୮ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । କଲେଜର କ୍ୟାମ୍ପସର ରୂପରେଖ ସମ୍ପୂର୍ଣ୍ଣ ପରିବର୍ତ୍ତନ ହୋଇଛି । ଛାତ୍ରଛାତ୍ରୀ ମାନଙ୍କ ପାଠ ପଢ଼ିବା ପାଇଁ ସ୍ମାର୍ଟ କ୍ଲାସ ରୁମ୍ ଇ ଲାଇବ୍ରେରୀ, ଲାବ୍ରୋଟୋରୀର ବ୍ୟବସ୍ଥା କରାଯାଇଛି । ଏପରି ଏକ ପରିବେଶରେ ସମସ୍ତ ସୁବିଧା ସୁଯୋଗରେ ପାଠପଢ଼ି କିପରି ଅନୁଭବ କରୁଛନ୍ତି ଶୁଣନ୍ତୁ କଣ କହୁଛନ୍ତି ଛାତ୍ରଛାତ୍ରୀ ।

କଲେଜର ବାତାବରଣକୁ ଆହୁରି ମନୋରମ କରୁଛି କଲେଜ କ୍ୟାମ୍ପସରେ ରହିଥିବା ଏହି ପାର୍କ । ଭଳିକି ଭଳି ଫୁଲର ସମ୍ଭାର ଓ ଫାଉଣ୍ଟେନ୍ କଲେଜ କ୍ୟାମ୍ପସର ଆକର୍ଷଣକୁ ଦୁଇ ଗୁଣିତ କରୁଛି । କଲେଜର ନିଜସ୍ଵ ଉଦ୍ୟମରେ କ୍ୟାମ୍ପସ ମଧ୍ୟରେ ଏହି ସୁନ୍ଦର ପାର୍କ ସହିତ ଛାତ୍ରଛାତ୍ରୀଙ୍କ ଫିଟନେସ୍ ପାଇଁ ଓପନ ଜିମର ବ୍ୟବସ୍ଥା କରାଯାଇଛି । ସ୍ଥାନୀୟ ବିଧାୟକଙ୍କ ଅନୁଦାନ ପାଣ୍ଠିରେ ଏକ ଓପନ ଅଡିଟୋରିୟମର ନିର୍ମାଣ କରାଯାଇଛି । ନାକ୍ କମିଟି ମଧ୍ୟ କଲେଜ ପରିଦର୍ଶନ କରିବା ସହ କଲେଜକୁ ବି ଗ୍ରେଡ୍ ର ମାନ୍ୟତା ପ୍ରଦାନ କରିଛି। ଆଗାମୀ ଦିନରେ ଛାତ୍ରଛାତ୍ରୀମାନେ କେଉଁଭଳି କଲେଜରେ ସମସ୍ତ ସୁବିଧା ସୁଯୋଗ ପାଇପାରିବେ ସେଥିପାଇଁ କଲେଜ ଅଧ୍ୟକ୍ଷ ଓ ସମସ୍ତ ଅଧ୍ୟାପକ ଓ ଅଧ୍ୟାପିକା ଯତ୍ନବାନ ରହିଛନ୍ତି । ଶିକ୍ଷା ବ୍ୟବସ୍ଥାରେ ପରିବର୍ତ୍ତନ ଆଣି କଲେଜର ଭିତ୍ତିଭୂମିକୁ ସଜାଡ଼ିରେ ମୁଖ୍ୟ ଭୂମିକା ଗ୍ରହଣ କରିଥିଲେ ପୂର୍ବ ସରକାର । ଯାଜପୁର ଜିଲ୍ଲା ବଡ଼ଚଣା ବ୍ଲକ ନୂଆହାଟ ସ୍ଥିତ ବିଷ୍ଣୁ ସାମନ୍ତରାୟ କଲେଜ ତାହାର ଜ୍ଵଳନ୍ତ ଉଦାହରଣ ।