ସିସିଟିଭରେ ଲାଗିଥିଲା କଳା ଟେପ୍, ପଣ୍ଡିତଙ୍କ ପାଖରେ କିପ୍ୟାଡ ଫୋନ : ନୀରଜଙ୍କ ବିବାହ ସମୟରେ କାହିଁକି କରାଗଲା ଏମିତି ?

ନନ୍ଦିଘୋଷ ବ୍ୟୁରୋ: ଗୋଲଡେନ ବୟ ନୀରଜଙ୍କ ବିବାହ ସରିଛି । କିନ୍ତୁ ତାଙ୍କ ବିବାହକୁ ନେଇ ବିଭିନ୍ନ ଚର୍ଚ୍ଚା ସରିନି । ବିବାହ ସମୟରେ ଗୋଟିଏ ପରେ ଗୋଟିଏ ଖବର ସାମ୍ନାକୁ ଆସୁଛି । ଗତ ୧୬ ତାରିଖରେ ଟେନିସ ତାରକା ହିମାନୀଙ୍କ ନୀରଜ ବିବାହ କରିଛନ୍ତି । ଗୁପ୍ତଭାବେ ସେମାନଙ୍କ ବିବାହ ସମ୍ପନ୍ନ ହୋଇଛି । ହିମାଚଳ ପ୍ରଦେଶରେ ସେମାନଙ୍କ ବିବାହ ହୋଇଥିବାବେଳେ ଏବେ ଏହି ଦମ୍ପତ୍ତି ହନିମୁନରେ ଯାଇଛନ୍ତି । ତେବେ ଏମାନଙ୍କ ବିବାହ ଖବର କାହାକୁ ପୂର୍ବରୁ ଜଣାନଥିଲା । କିମ୍ବା ଏନେଇ ଗଣମାଧ୍ୟମରେ ମଧ୍ୟ ଖବର ପ୍ରସାରଣ କରାଯାଇନଥିଲା । ତେବେ ଏମାନେ ଏତେ ଗୁପ୍ତରେ ବିବାହ କରିଛନ୍ତି ତାହା ଧିରେ ଧିରେ ଏବେ ସାମ୍ନାକୁ ଆସିବାରେ ଲାଗିଛି ।

ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଯେଉଁ ରିସର୍ଟରେ ସେମାନଙ୍କ ବିବାହ ହେଉଥିଲା ସେଠାରେ ଲାଗିଥିବା ସିସିଟିଭିରେ କଳା ଟେପ୍ ଲଗାଯାଇଥିବାବେଳେ ଅଜ୍ଞାତ କ୍ୟାମେରା ମ୍ୟାନ ଯାଇଥିଲେ । କେବଳ ଏତିକି ନୁହେଁ ଯେଉଁ ପଣ୍ଡିତ ସେମାନଙ୍କ ବିବାହ କରିଥିଲେ ତାଙ୍କୁ ଏକ କିପ୍ୟାଡ଼ ମୋବାଇଲ ମଧ୍ୟ ଦିଆଯାଇଥିଲା । ସାଉଥରୁ କ୍ୟାମେରାମ୍ୟାନ ଆସିଥିଲେ । ଯେଉଁମାନେ ନୀରଜ ଏବଂ ହିମାନୀଙ୍କ ଚିହ୍ନି ନଥିଲେ ।