ଛତିଶଗଡ ଗରିଆବନ୍ଧର କୁଲାରି ଡଙ୍ଗରୀରେ ସର୍ଚ୍ଚ ଅପରେସନ ଜାରି, ୨୪ରେ ପହଞ୍ଚିଲା ମାଓବାଦୀଙ୍କ ମୃତ୍ୟୁସଂଖ୍ୟା

ନୂଆପଡା: ନୂଆପଡା ସୀମାନ୍ତ ଛତିଶଗଡ ଗରିଆବନ୍ଧର କୁଲାରି ଡଙ୍ଗରୀରେ ଜାରି ରହିଛି ସର୍ଚ୍ଚ ଅପରେସନ। ମାଓଗଡ଼ ଧ୍ବଂସ ହୋଇଛି। କମ୍ବିଂ ଅପରେସନରେ ମାଓବାଦୀଙ୍କ ମୃତ୍ୟୁସଂଖ୍ୟା ୨୪ରେ ପହଞ୍ଚିଛି । ବର୍ତ୍ତମାନ ସୁଦ୍ଧା ୧୭ ମାଓବାଦୀଙ୍କ ମୃତଦେହ ଉଦ୍ଧାର କରାଯାଇଛି। ସ୍ଥାନୀୟ ଅଞ୍ଚଳରୁ ବିପୁଳ ବିସ୍ଫୋରକ ସାମଗ୍ରୀ, ୪ଟି ରାଇଫଲ, ୮ଟି ଦେଶୀ ବନ୍ଧୁକ, ୪ଟି ମାଗାଜିନ, ୧୦ଟି ଜୀବନ୍ତ ଗୁଳି, ୪ଟି ଟିଫିନ ବୋମା ଜବତ ହୋଇଛି। ସର୍ଚ୍ଚ ଅପରେସନକୁ ଜୋରଦାର କରାଯାଇଥିବା ସୂଚନା ଦେଇଛନ୍ତି ନୂଆପଡା ଏସପି। ଗତକାଲି ହୋଇଥିବା ଅପରେସନରେ ନିହତ ହୋଇଥିଲେ ମାଓନେତା ଚଲପତି। ଆଜି ଡିଜିପି ୱାଇ. ବି. ଖୁରାନିଆ ନୂଆପଡା ଗସ୍ତ କରିବେ।