ଆଳୁ କଥା ପଚାରିବାରୁ ଚିହିଁକି ଉଠିଲେ ଯୋଗାଣ ମନ୍ତ୍ରୀ

ଭୁବନେଶ୍ବର: ବାରମ୍ବାର ଗୋଟିଏ ପ୍ରଶ୍ନରେ ବିରକ୍ତି ହେଇଗଲେଣି ଯୋଗାଣ ମନ୍ତ୍ରୀ । ଗୋଟିଏ ପ୍ରଶ୍ନ ସବୁବେଳେ ନପଚାରିବାକୁ ସାମ୍ବାଦିକ ମାନଙ୍କ କହିଲେ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ହଠାତ ସାମ୍ବାଦିକ ଜଣକ ଆଳୁ କଥା ପଚାରିବାରୁ ଚିହିଁକି ଉଠିଲେ ଯୋଗାଣ ମନ୍ତ୍ରୀ । ଆଳୁ ଦର ନିୟନ୍ତ୍ରଣ କରିବାରେ ସରକାର ବିଫଳ ହୋଇଥିବାବେଳେ ଆଳୁ କଥା ସବୁଦିନ ନପଚାରିବାକୁ କହିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଆଳୁ ସମସ୍ୟା କଥା ଆଜି ସାମ୍ବାଦିକମାନେ ପଚାରିବାରୁ ଚିହିଁକି ଉଠି ଏ ସଂପର୍କରେ ସବୁଦିନ ନପଚାରିବାକୁ କହିଛନ୍ତି ଯୋଗାଣ ମନ୍ତ୍ରୀ । ଏବେ ଆଳୁ ଦର ନେଇ ସରକାର ହାତ ଟେକି ଦେଇଥିବାବେଳେ ମନ୍ତ୍ରୀଙ୍କ ଏପରି କଥା ଚର୍ଚ୍ଚା ବଢାଇଛି ।

ସେପଟେ ଏପରି କଥା ଶୁଣି ସରକାରଙ୍କ ଉପରେ ବର୍ଷିଛନ୍ତି ବିଜେଡି ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁ । ଆଳୁ ଟ୍ରେନ କୁଆଡେ଼ ଗଲା ? ଯଦି ଦର ନିୟନ୍ତ୍ରଣ କରିପାରିବେନି, ତେବେ ସରକାରରେ ଅଛନ୍ତି କାହିଁକି ବୋଲି ପ୍ରଶ୍ନ କରିଛନ୍ତି ରଣେନ୍ଦ୍ର । ଗରିବ ଲୋକଙ୍କ ପାଇଁ ଏ ସରକାର ନୁହେଁ । ଦରଦାମ ନିୟନ୍ତ୍ରଣ କରନ୍ତୁ ବୋଲି ଦାବି କରିଛନ୍ତି ରଣେନ୍ଦ୍ର ।