ନୂଆବର୍ଷରେ ଖୁସି ଖବର, କମିବ ପେଟ୍ରୋଲ ଓ ଡିଜେଲ ଦର !

ଭୁବନେଶ୍ବର: ନୂଆବର୍ଷରୁ ମିଳିପାରେ ଖୁସି ଖବର। କମିପାରେ ପେଟ୍ରୋଲ ଓ ଡିଜେଲ ଦର। ହ୍ରାସ ହୋଇପାରେ ତୈଳ ଦର। ଆର୍ଥିକ ବର୍ଷ ୨୦୨୫-୨୬ ଲାଗି କନଫଡେରେସନ ଅଫ୍ ଇଣ୍ଡିଆନ ଇଣ୍ଡଷ୍ଟ୍ରି CII ପେଟ୍ରୋଲ ଓ ଡିଜେଲ ଦର ହ୍ରାସ କରିବାକୁ ସରକାରଙ୍କୁ ପ୍ରସ୍ତାବ ଦେଇଛି। ଆଗମୀ ବଜେଟ ଲାଗି ସିଆଇଆଇ ଏହି ପ୍ରସ୍ତାବ ଦେଇଛି।

ଇନ୍ଧନ ଉପରେ ଉତ୍ପାଦ ଶୁଳ୍କ କମ କରିବାକୁ ସୁପାରିସ କରିଛି ସିଆଇଆଇ। ଦର କମିବା ଦ୍ଵାରା ତୈଳର ବିକ୍ରି ବୃଦ୍ଧି ହୋଇପାରିବ। ବିଶେଷ କରି କମ ରୋଜଗାର କରୁଥିବା ବର୍ଗଙ୍କ କ୍ଷେତ୍ରରେ ସବସିଡି ଦେବାକୁ ପରାମର୍ଶ ଦେଇଛି ସିଆଇଆଇ। ମୁଦ୍ରାସ୍ଥୀତି ବୃଦ୍ଧିରେ ଇନ୍ଧନ ଦରର ପ୍ରମୁଖ ଭୂମିକା ଥିବାବେଳେ ଏହି ଦର ହ୍ରାସ ପାଇଲେ ମୁଦ୍ରାସ୍ଫୀତି ନିୟନ୍ତ୍ରଣ ହେବ। କେନ୍ଦ୍ରୀୟ ଉତ୍ପାଦ ଶୁଳ୍କ ପେଟ୍ରେଲର କଂଚାମାଲର ପାଖାପାଖି ୨୧ ପ୍ରତିଶତ ରହିଥାଏ ଏବଂ ଡିଜେଲ ଉପରେ ଏହି ଦର ୧୮ ପ୍ରତିଶତ ରହିଥାଏ।

ଇନ୍ଧନ ଉପରେ ଉତ୍ପାଦ ଶୁଳ୍କ କମ କରିବା ଦ୍ଵାରା ମୁଦ୍ରାସ୍ଫୀତିକୁ କମ କରାଯାଇପାରି ବୋଲି ପରାମର୍ଶ ଦେଇଛି ସିଆଇଆଇ। କମ ରୋଜଗାର କରୁଥିବା ବର୍ଗଙ୍କୁ ଲକ୍ଷ୍ୟ ରଖି ଉପଭୋଗ ଭାଉଚର ଜାରି କରିବା ଉପରେ ମଧ୍ୟ ଗୁରୁତ୍ଵାରୋପ କରିଛି। ଏଥିଲାଗି ନିର୍ଦ୍ଦିଷ୍ଟ ସମୟସୀମା ଧାର୍ଯ୍ୟ କରିବାକୁ କୁହାଯାଇଛି।