ସାରା ଦେଶରେ ଆଜି ଚାଷୀ କରିବେ ମହମବତି ଶୋଭାଯାତ୍ରା

ନୂଆଦିଲ୍ଲୀ: ସାରା ଦେଶରେ ଆଜି ଚାଷୀ କରିବେ ମହମବତି ଶୋଭାଯାତ୍ରା I ବରିଷ୍ଠ ଚାଷୀ ନେତା ଜଗଜିତ ସିଂ ଦାଲେଓ୍ବାଲ ଚଳାଇଥିବା ଆମରଣ ଅନଶନକୁ ସମ୍ମାନ ଜଣାଇ ଦେଶବ୍ଯାପୀ ଆଜି ଚାଷୀ କରିବେ ମହମବତି ଶୋଭାଯାତ୍ରା  । ଏହି ଅଭିଯାନରେ ସାମିଲ ହେବେ ସଂଯୁକ୍ତ କିଷାନ ମୋର୍ଚ୍ଚା ଓ କିଷାନ ମଜଦୂର ମୋର୍ଚ୍ଚା I ଏହା ସହ ଆସନ୍ତା ୨୬ରେ ଦାଲେଓ୍ବାଲଙ୍କ ଅନଶନ ଏକ ମାସ ପୂରୁଥିବାରୁ ସେହିଦିନ ସବୁଠି ପ୍ରତୀକାତ୍ମକ ଅନଶନ କରାଯିବ I

ଶସ୍ଯର ଏମଏସପି ଲାଗି ଆଇନଗତ ଗ୍ଯାରେଣ୍ଟି ପ୍ରଦାନ ସହ ବିଭିନ୍ନ ଚାଷୀ ସମସ୍ୟା ନେଇ ଗତ ନଭେମ୍ବର ୨୬ରେ ସଙ୍ଗରୁରସ୍ଥିତ ଖାନାଉରି ସୀମାରେ ଅନଶନ କରୁଛନ୍ତି ଦାଲେଓ୍ବାଲ I ସେପଟେ କେନ୍ଦ୍ର ସରକାର ଚାଷୀଙ୍କ ଦାବି ପୂରଣ କରିବାକୁ ଦାବି ଦୋହରାଇଛନ୍ତି ଚାଷୀ ସଂଗଠନ I ଅନ୍ନଦାତାମାନେ ଗତ ଫେବୃଆରୀ ୧୩ରୁ ପଞ୍ଜାବ ଓ ହରିୟାଣା ସୀମା ଶଂଭୁ ଓ ଖାନାଉରୀରେ ଆନ୍ଦୋଳନ ଜାରି ରଖିଛନ୍ତି I ଗତ ଡିସେମ୍ବର ୬ରେ ୧୦୧ ଚାଷୀଙ୍କୁ ନେଇ ଏକ ଯାଥା ଦିଲ୍ଲୀରେ ପ୍ରବେଶ ଲାଗି ଉଦ୍ଯମ କରିଥିଲେ ବି ତାହାକୁ ସଫଳ ହେବାକୁ ଦେଇ ନଥିଲା ପୋଲିସ I