ଯାଜପୁର ମୁଖ୍ୟ ଚିକିତ୍ସାଳୟ କାର୍ଯ୍ୟାଳୟ ଆଗରେ ସଫେଇ କର୍ମଚାରୀଙ୍କ ଧାରଣା
ଯାଜପୁର: ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ସଫେଇ କର୍ମଚାରୀଙ୍କ ଧାରଣା । ମୁଖ୍ୟ ଚିକିତ୍ସାଳୟ ସହ ଯଯାତି କେଶରୀ ମେଡିକାଲ କଲେଜରେ ଠିକା ସଂସ୍ଥାରେ କାର୍ଯ୍ୟ କରୁଥିବା ସଫେଇ କର୍ମଚାରୀ ଦେଇଛନ୍ତି ଧାରଣା । ୬ ମାସର ଇପିଏଫ ଓ ଏକ ମାସର ବେତନ ମିଳି ନଥିବା କାରଣରୁ କାର୍ଯ୍ୟବନ୍ଦ କରି ଧାରଣା ଦେଇଛନ୍ତି ।
ସଫେଇ ଦାୟିତ୍ବ ନେଇଥିବା ଠିକା ସଂସ୍ଥା ସଫେଇ କରୁଥିବା କର୍ମଚାରୀଙ୍କୁ ବାରମ୍ବାର ହଇରାଣ କରୁଥିବା ନେଇ ସେମାନେ ଅଭିଯୋଗ କରିଛନ୍ତି । ଏଭଳି ସମସ୍ୟାକୁ ନେଇ ବାରମ୍ବାର ଜିଲ୍ଲାପାଳଙ୍କ ନିକଟରେ ଦାବି କରି ଆସୁଥିଲେ ମଧ୍ୟ କୌଣସି ସୁଫଳ ମିଳି ନଥିବା କର୍ମଚାରୀ ଅଭିଯୋଗ କରିଛନ୍ତି । ସେପଟେ ଏଡିଏମଓ କହିଛନ୍ତି, ଠିକା ସଂସ୍ଥାକୁ ପରିବର୍ତ୍ତନ କରାଯାଇଛି । ତୁରନ୍ତ ବକେୟା ଇପିଏଫ ଓ ବେତନ ପ୍ରଦାନ ଲାଗି ପଦକ୍ଷେପ ନିଆଯାଉଛି ।
