ଉପରାଷ୍ଟ୍ରପତିଙ୍କ ସହିତ ବିଜେଡି ସାଂସଦଙ୍କ ସାକ୍ଷାତକାର ପ୍ରସଙ୍ଗ : ସ୍ପଷ୍ଟୀକରଣ ଦେଲେ ସାଂସଦ,କହିଲେ ବିଜେଡିରେ ଅଛୁ ଓ ରହିବୁ

ନୂଆଦିଲ୍ଲୀ: ଆମେ ନବୀନଙ୍କ ସହିତ ଅଛୁ । ବିଜେଡ଼ିରେ ଅଛୁ ଓ ରହିବୁ । ନୂଆଦିଲ୍ଲୀରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏକଥାକୁ ଦୋହରାଇଛନ୍ତି ବିଜେଡିର ୭ ରାଜ୍ୟସଭା ସାଂସଦ । କିଛିଦିନ ତଳେ ବିଜେଡି ରାଜ୍ୟସଭା ସାଂସଦଙ୍କର ଉପ-ରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଜଗଦୀପ ଧନକଡଙ୍କୁ ସାକ୍ଷାତ କରିଥିଲେ । ସାକ୍ଷାତକାରର ଫଟୋ ସୋସିଆଲ ମିଡିଆକୁ ଆସିବା ପରେ ଏକ ନିର୍ଦ୍ଧିଷ୍ଟ ଗଣମାଧ୍ୟମ କିଛି ବିଜେଡି ସାଂସଦ ବିଜେପିରେ ଯୋଗ ଦେଉଛନ୍ତି ବୋଲି ଖବର ପ୍ରସାରଣ କରିଥିଲା । ଯାହାକୁ ନେଇ ନୂଆଦିଲ୍ଲୀର ବର୍ଷିଛନ୍ତି ବିଜେଡି ସାଂସଦ । ସାମ୍ବାଦିକ ସମ୍ମିଳନୀରେ ଦଳ ପ୍ରତି ବିଶ୍ୱାସ ବ୍ୟକ୍ତ କରି ୭ ସାଂସଦ ସେମାନେ ବିଜେଡିରେ ଅଛନ୍ତି ଓ ରହିବେ ବୋଲି କହିଛନ୍ତି । ଏହା ସହିତ ନବୀନ ପଟ୍ଟନାୟକ ସେମାନଙ୍କ ନେତା ଓ ନେତାଙ୍କ ପଛରେ ସେମାନେ ଅଛନ୍ତି ବୋଲି କହିଛନ୍ତି । ସାଂସଦ ମାନସ ମଙ୍ଗରାଜ ବିଭ୍ରାନ୍ତିକର ଖବର ପ୍ରସାରଣରୁ ନିବୃତ ରହିବା ପାଇଁ ଗଣମାଧ୍ୟମକୁ ଅନୁରୋଧ କରିବା ସହିତ କହିଛନ୍ତି ଯେ, କେବଳ ଟିଆରପି ପାଇଁ ଏଭଳି କରିବା ଦୁଃଖଦାୟକ ।

ଅନ୍ୟପକ୍ଷରେ ସାଂସଦ ନିରଞ୍ଜନ ବିଶି ଏଭଳି ଖବର ପ୍ରସାରଣ କରିଥିବା ଗଣମାଧ୍ୟମ ବିରୋଧରେ ହଜାରେ କୋଟି ଟଙ୍କାର ମାନହାନୀ ମକଦ୍ଦମା କରିବେ ବୋଲି କହିଛନ୍ତି । ସେପଟେ ନିରଂଜନ ବିଶି କହିଲେ, ମୁଁ ତ କାହାକୁ କହିନାହିଁ, ସେ କେମିତି ଜାଣିଲେ। ଏକ କୋଟି ଟଙ୍କାର ମାନହାନୀ ମୋକଦ୍ଦମା କରିବି ବୋଲି ଚେତାଇ ଦେଇଛନ୍ତି ନିରଂଜନ ବିଶି। ଶୁଭାଶିଷ ଖୁଣ୍ଟିଆ ବି କହିଛନ୍ତି, ବିଭ୍ରାନ୍ତକର ଖବର ଦିଆଯାଉଛି। ଏପରି ନ କରି ସଠିକ୍ ଖବର ଦିଅନ୍ତୁ କହିଲେ ଶୁଭାଶିଷ ଖୁଣ୍ଟିଆ। କୌଣସି ବିଜେଡି ସାଂସଦ ଦଳ ଛାଡ଼ିବାର ନାହିଁ ବୋଲି ସମସ୍ତେ ଆଜି ଏହା ସ୍ପଷ୍ଟ କରିଛନ୍ତି। ଏବଂ ମିଛ ମନଗଢ଼ା ଖବର ପ୍ରସାରଣ ନ କରିବାକୁ କହିଛନ୍ତି।

ସାଂସଦ ମାନସ ମଙ୍ଗରାଜ ତାଙ୍କ ବକ୍ତବ୍ୟରେ କହିଛନ୍ତି ଯେ, ରାଜ୍ୟସଭା ଅଧ୍ୟକ୍ଷ ଭାବେ ଉପ-ରାଷ୍ଟ୍ରପତିଙ୍କୁ ସବୁ ଦଳର ସାଂସଦ ସାକ୍ଷାତ କରନ୍ତି । ଓଡ଼ିଶାର ବିକାଶ ବାବଦରେ ଆଲୋଚନା ପାଇଁ ଆମେ ଉପ-ରାଷ୍ଟ୍ରପତିଙ୍କୁ ସାକ୍ଷାତ କରିଥିଲୁ । ତାକୁ ନେଇ କେବଳ ଟିଆରପି ପାଇଁ ଯେଉଁଭଳି ବିଭ୍ରାନ୍ତିକର ଖବର ପ୍ରସାରଣ କରାଯାଇଛି ତାହା ନିନ୍ଦନୀୟ । ସାମ୍ବାଦିକ ମାନେ ନିଜର ଲକ୍ଷ୍ମଣରେଖା ବାବଦରେ ଅବଗତ ରହିବା ଆବଶ୍ୟକ । ସାଂସଦ ଭାବରେ ରାଜ୍ୟସଭା ଅଧ୍ୟକ୍ଷଙ୍କୁ ସାକ୍ଷାତ କରିବାର ଅଧିକାର ଆମର ମଧ୍ୟ ରହିଛି । ସାକ୍ଷାତକାରର ଫଟୋକୁ ନେଇ ଭୁଲ ଖବର ପ୍ରସାରଣ କରିବା ଠିକ ନୁହେଁ ।

ସେହିଭଳି ସାଂସଦ ସୁଲତା ଦେଓ ମଧ୍ୟ ମିଥ୍ୟା ଖବର ପ୍ରସାରଣକୁ ନିନ୍ଦା କରିବା ସହିତ ଦଳର ସମସ୍ତ ସାଂସଦ ନବୀନ ପଟ୍ଟନାୟକଙ୍କ ସହିତ ଅଛନ୍ତି ଓ ରହିବେ ବୋଲି କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ନବୀନ ଆମ ଧୃବତାରା । ଅନ୍ୟପକ୍ଷରେ ସାଂସଦ ନିରଞ୍ଜନ ବିଶି ମିଥ୍ୟା ଖବର ପ୍ରସାରଣକୁ ନିନ୍ଦା କରି ଏହା ବିରୋଧରେ ସେ ମାନହାନୀ ମକଦ୍ଦମା କରିବେ ବୋଲି କହିଛନ୍ତି । ଏକ ନିର୍ଦ୍ଦିଷ୍ଟ ଗଣମାଧ୍ୟମ ଯେଉଁଭଳି ଭାବେ ମିଥ୍ୟା ଓ କପୋଳକଳ୍ପିତ ଖବର ପ୍ରସାରଣ କରିଛି ତାହା ବିରୋଧରେ ସେ ଏକ ହଜାର କୋଟି ଟଙ୍କାର ମାନହାନୀ ମକଦ୍ଦମା କରିବେ ବୋଲି କହିଛନ୍ତି ।

ଏହାକୁ ନେଇ ସାଂସଦ ଦେବାଶିଷ ସାମନ୍ତରାୟ ସେମାନଙ୍କୁ କଡ଼ା ନିନ୍ଦା କରିବା ସହିତ କହିଛନ୍ତି ଆମେ ତୃଣମୂଳସ୍ତରରୁ ରାଜନୀତି କରିଆସିଛୁ । ଆମେ ବିଜେଡି ଛାଡି କଦାପି ଯିବୁ ନାହିଁ ।
ଇଲେକ୍ଟ୍ରୋନିକ ଓ ପ୍ରିଣ୍ଟ ମିଡିଆରେ ଅପପ୍ରଚାର ଚାଲିଛି  । ସାଂସଦଙ୍କ ଅଧିକାର ରହିଛି ଗୃହର ଅଧ୍ଯକ୍ଷଙ୍କୁ ଭେଟିବା ଲାଗି ତେଣୁ ଫଟୋକୁ ନେଇ ଚାଲିଥିବା ଆଲୋଚନା ଦୁର୍ଭାଗ୍ଯଜନକ ଅଟେ ।
ଆମେ ଆମ ନେତାଙ୍କୁ ଛାଡି କୁଆଡ଼େ ଯିବାର ନାହିଁ ।

ଆମ୍ଭେ ନବୀନବାବୁଙ୍କ ସହ ରହିଛୁ ଓ ରହିବୁ ବୋଲି ଦୃଢ ଜବାବ ଦେଲେ ସାଂସଦ ମୁନ୍ନା ଖାଁ । ଆମ ୭ଜଣ ସାଂସଦଙ୍କ ନାମରେ ଅପପ୍ରଚାର ଚାଲିଛି । ୩୪-୩୫ ବର୍ଷ ଧରି ବିଜୁ ପରିବାର ସହ ଆମେ ଅଛୁ । ନବୀନ ବାବୁଙ୍କୁ ଛାଡ଼ି ଚାଲିଯିବାର ପ୍ରଶ୍ନ ଉଠୁନି ।

ଏଭଳି ଅପପ୍ରଚାର ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ସାଂସଦ ସସ୍ମିତ ପାତ୍ର । କିଛି ନ୍ୟସ୍ତସ୍ବାର୍ଥ ବ୍ୟକ୍ତି ଚାହୁଁନାହାନ୍ତି ଦିଲ୍ଲୀରେ ରାଜ୍ଯର ସ୍ବର ଉଠୁ । ଅନେକ ପ୍ରସଙ୍ଗ ରାଜ୍ଯସଭାରେ ଉଠାଯାଉଛି । ଯାହା ରାଜ୍ଯ ବିଜେପି ସରକାରକୁ ବାଧୁଛି । ଏକପାଖିଆ ଭାବେ ଖବର ପ୍ରସାରଣ କରାଯାଉଛି ।  ଜନସ୍ବାର୍ଥ ଗୋଷ୍ଠୀ ଦ୍ବାରା କେହି ପରିଚାଳିତ ହୁଅନ୍ତୁ ନାହିଁ
ଯଦି ସତ୍ ସାହସ ଅଛି ତଥ୍ଯ ପ୍ରମାଣ ସାମନାକୁ ଆଣନ୍ତୁ ।