୭୩ବର୍ଷ ବୟସରେ ବିଶିଷ୍ଟ ତବଲା ବାଦକ ଜାକିର୍ ହୁସେନଙ୍କ ପରଲୋକ
1 min read
ନନ୍ଦିଘୋଷ ବ୍ୟୁରୋ : ପରଲୋକରେ ଲୋକପ୍ରିୟ ତବଲା ବାଦକ ଜାକିର୍ ହୁସେନ । ୭୩ବର୍ଷ ବୟସରେ ବିଶିଷ୍ଟ ତବଲା ବାଦକ ଜାକିର୍ ହୁସେନଙ୍କ ଦେହାନ୍ତ । ଅସୁସ୍ଥତା ହେତୁ ଆମେରିକାର ସାନଫ୍ରାନସିକୋର ଏକ ହସ୍ପିଟାଲରେ ଭର୍ତ୍ତି ହୋଇଥିଲେ । ମୃତ୍ୟୁବେଳକୁ ତାଙ୍କୁ ୭୩ବର୍ଷ ହୋଇଥିଲା । ଭାରତୀୟ ଶାସ୍ତ୍ରୀୟ ସଙ୍ଗୀତ ପ୍ରତି ତାଙ୍କର ଅତୁଳନୀୟ ଅବଦାନ ରହିଛି । ଗତ ଏକ ସପ୍ତାହ ଧରି ସେ ସ୍ବାସ୍ଥ୍ୟଗତ ସମସ୍ୟା ସହ ସଂଗ୍ରାମ କରୁଥିଲେ । ଆଜି ହୁସେନ୍ଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ସେଠାରେ ତାଙ୍କୁ ଗୁରୁତର ଅବସ୍ଥାରେ ଆଇସିୟୁରେ ଭର୍ତ୍ତି କରାଯାଇଥିଲା। ସୂଚନା ଅନୁଯାୟୀ ଯେ ସେ ହୃଦୟ ସମ୍ବନ୍ଧୀୟ ରୋଗ ପାଇଁ ଚିକିତ୍ସିତ ହେଉଥିଲେ ।
ଜାକିର ହୁସେନ୍ ବହୁତ କମ୍ ବୟସରୁ ବାଦ୍ୟ ଯନ୍ତ୍ର ଶିଖିବା ଆରମ୍ଭ କରିଥିଲେ । ପଣ୍ଡିତ ରବି ଶଙ୍କର ମଧ୍ୟ ଜାକିର୍ଙ୍କ ଏହି କଳାରେ ଅନେକ ଅନେକ ପ୍ରଭାବିତ ହୋଇ ଥିଲେ । ଜାକିର୍ ମାତ୍ର ତିନି ବର୍ଷ ବୟସରେ ତାଙ୍କ ବାପାଙ୍କ ଠାରୁ ସେ ବାଜା ବଜାଇବା ଶିଖିଥିଲେ । ସେ ମଧ୍ୟ Planet drum ନାମକ ଏକ ବାଦ୍ୟଯନ୍ତ୍ର ସହ ଜଡ଼ିତ ଥିଲେ । ଏହି ବ୍ୟାଣ୍ଡ୍ରେ ମିକି ହାର୍ଟ, ସିକିରୁ ଏଡିପୋଜୁ ଆଉ ଜିଓବାନି ହିଡାଲୋଗ ତାଙ୍କ ସହଯୋଗୀ ଥିଲେ ।
ଜାକିର୍ଙ୍କର ଉଚ୍ଚ ପ୍ରଶଂସିତ କାମ ପାଇଁ ତାଙ୍କୁ ଅନେକ ସମ୍ମାନରେ ସମ୍ମାନିତ କରାଯାଇଛି । ତାଙ୍କୁ ୧୯୮୮ରେ ପଦ୍ମଶ୍ରୀ, ୧୯୯୦ରେ ସଙ୍ଗୀତ ନାଟକ ଏକାଡେମୀ ପୁରସ୍କାର, ୨୦୦୨ରେ ପଦ୍ମଭୂଷଣ ପୁରସ୍କାରରେ ସମ୍ମାନୀତ କରାଯାଛି । ଏହା ବ୍ୟତୀତ ତାଙ୍କୁ ଆମେରିକାରେ National Endowment for the Arts’s National Heritage Fellowshipରେ ସମ୍ମାନୀତ କରାଯାଇଥିଲା । ୨୦୨୩ରେ ତାଙ୍କୁ ପଦ୍ମବିଭୂଷଣ ସମ୍ମାନରେ ସମ୍ମାନୀତ କରାଯାଇଥିଲା । ଜାକିର ହୁସେନ୍ ୪ଟି ଗ୍ରାମୀ ପୁରସ୍କାର ମଧ୍ୟ ପାଇଛନ୍ତି ।
