ଆଜିଠୁ ଲାଞ୍ଚୁଆ ସରକାରୀ ବାବୁ ଓ ଠିକାଦାରଙ୍କୁ ୫ ଦିନିଆ ରିମାଣ୍ଡରେ ନେବ CBI

ଭୁବନେଶ୍ୱର: ଆଜି ଦ୍ବିତୀୟ ପର୍ଯ୍ୟାୟ ରିମାଣ୍ଡର ପ୍ରଥମ ଦିନ । ଆଜିଠୁ ଲାଞ୍ଚୁଆ ସରକାରୀ ବାବୁ ଓ ଠିକାଦାରଙ୍କୁ ୫ ଦିନିଆ ରିମାଣ୍ଡରେ ନେବ ସିବିଆଇ । ୩ ଅଭିଯୁକ୍ତଙ୍କୁ ଘନ ଘନ ଜେରାକରି ନୂଆ ନୂଆ ତଥ୍ୟ ଉଗାରିବ ସିବିଆଇ । ଗତକାଲି ଖାରଜ ହୋଇଥିଲା ସ୍ପେଶାଲ କ୍ଳାସ କଣ୍ଟ୍ରାକ୍ଟରଙ୍କ ଜାମିନ । ଦେବଦତ୍ତ ମହାପାତ୍ରଙ୍କ ଜାମିନ ଖାରଜ କରିଥିଲେ ସ୍ପେଶାଲ ସିଜେଏମ ସିବିଆଇ କୋର୍ଟ ।

ସେପଟେ ଠିକାଦାର ଓ କଂଷ୍ଟ୍ରକସନ ସଂସ୍ଥାର ମଧୁଚନ୍ଦ୍ରିକା ଘଟଣାରେ ଆୟକର ବିଭାଗ ତଦନ୍ତ ଆରମ୍ଭ କରିଛି । ୧୦ ଲକ୍ଷ ଲାଞ୍ଚ ଘଟଣାରେ ୩ ଜଣଙ୍କୁ ଗିରଫ ପରେ ତଦନ୍ତ ଆରମ୍ଭ କରିଛି ଆୟକର ବିଭାଗ । ପୂର୍ବରୁ ଵାଲାଜି କମ୍ପ୍ଲେକ୍ସ ସ୍ଥିତ ସରକାରୀ ଅଧିକାରୀଙ୍କ ଘର, ଦେବଦତ୍ତ ମହାପାତ୍ରଙ୍କ ପାହାଳ ଉତକଳ ସିଗନେଚର ବିଲ୍ଡିଂରେ ଥିବା ADIPL ଅଫିସ ସିଲ କରିଥିଲା ସିବିଆଇ । ୩ ଅଭିଯୁକ୍ତ ଦେବଦତ୍ତ ମହାପାତ୍ର, ସନ୍ତୋଷ ମହାରଣା ଓ ଚଞ୍ଚଲ ମୁଖାର୍ଜୀଙ୍କ ଆୟ ବହିର୍ଭୁତ ସମ୍ପତ୍ତି ନେଇ ଅଧିକ ଖୋଲତାଡ଼ ହେଉଛି ।