କଣ୍ଟାବାଞ୍ଜିରେ ମଣ୍ଡି ଅବ୍ୟବସ୍ଥା ଅଭିଯୋଗ

କଣ୍ଟାବାଞ୍ଜି : ବଲାଙ୍ଗୀର ଜିଲ୍ଲା କଣ୍ଟାବାଞ୍ଜିରେ ମଣ୍ଡି ଅବ୍ୟବସ୍ଥା ଅଭିଯୋଗ ।  ଅସନ୍ତୋଷ ପ୍ରକାଶ କଲେ ବିଜେଡି ରାଜ୍ୟ ସମ୍ପାଦକ ହଂସରାଜ ଜୈନ । ଶୁକ୍ରବାର  ବଙ୍ଗୋମୁଣ୍ଡାରେ ଏକ ସାମ୍ବାଦିକ ସମ୍ମିଳନୀ କରି ଚାଷୀଙ୍କ ବିଭିନ୍ନ ସମସ୍ୟା ଉତଥାପନ କରିଛନ୍ତି ହଂସରାଜ। ସେ କହିଛନ୍ତି, କଣ୍ଟାବାଞ୍ଜିର ଅନେକ ମଣ୍ଡିରେ ଏବେ ଅବ୍ୟବସ୍ଥା ଦେଖାଦେଇଛି । ଚାଷୀମାନେ ଧାନ ବିକ୍ରି କରିବାକୁ ଅସମର୍ଥ ହେଉଛନ୍ତି । ଆସନ୍ତା ଜାନୁଆରୀରେ ମଣ୍ଡିରେ ଧାନ ଦେବାକୁ ପ୍ୟାକ୍ସରେ କହୁଛନ୍ତି । ହେଲେ ଚଳିତ ବର୍ଷ ଚାଷୀଙ୍କୁ ଟୋକନ ପ୍ରଦାନରେ ବିଳମ୍ବ ହୋଇଛି । ଏହା ସହ କିଛି ସ୍ଥାନରେ ଟୋକାନ ମଧ୍ୟ ଦିଆଯାଇନାହିଁ । ସେହିପରି ଚାଷୀଙ୍କୁ ଅଖା ବସ୍ତା ଯୋଗାଇ ଦେବାକୁ ସରକାର ପ୍ରତିଶ୍ରୃତି ଦେଇଥିଲେ । କିନ୍ତୁ ତାହା ଏପର୍ଯ୍ୟନ୍ତ ପୂରଣ ହେଲା ନାହିଁ । ସମସ୍ତ ସମସ୍ୟାର ସମାଧାନ ନହେଲେ ଆଗାମୀ ଦିନରେ ବିରାଟ ଆନ୍ଦୋଳନ ହେବ ବୋଲି ସେ ଚେତାବନୀ ଦେଇଛନ୍ତି ।