ବାହାଘରରେ ଡିଜେ ବଜାଉଥିଲେ ହୋଇଯାନ୍ତୁ ସାବଧାନ !

କଟକ: ବାହାଘରରେ ଡିଜେ ବଜାଉଥିଲେ ହୋଇଯାନ୍ତୁ ସାବଧାନ। ନହେଲେ ପ୍ରସେସନ ଅଧାରୁ ବର ଓ ବରଯାତ୍ରୀଙ୍କୁ ଶିଶୁପାଳ ହେବାକୁ ପଡିପାରେ। ଫିକା ପଡିପାରେ ଯାକ ଯମକ ବାହାଘର। ଏଭଳି ଏକ ଘଟଣା ଦେଖିବାକୁ ମିଳିଛି କଟକ ପୁରୀ ବାଇପାସ ରୋଡ଼ ନିକଟରେ। ବାହାଘରରେ ଅଧିକ ଶବ୍ଦ କରୁଥିବା ଡିଜେକୁ ସିଜ୍ କରିଛି କଟକ ପୋଲିସ । ସୂଚନା ଅନୁଯାୟୀ, ଡିଜେ ଗାଡିଟି ଅଧିକ ଶବ୍ଦ କରୁଥିବା ଯୋଗୁଁ ଥାନାରେ ଅଭିଯୋଗ ହୋଇଥିଲା। ଅଭିଯୋଗ ହେବା ମାତ୍ରେ ଡିଜେ ଗାଡିକୁ ସିଜ କରିବା ସହ ଥାନାକୁ ଟାଣି ଟାଣି ଆଣିଛି ପୋଲିସ । ଥାନା ଅଧିକାରୀ ତୃପ୍ତି ରଞ୍ଜନ ନାୟକଙ୍କ ନିର୍ଦ୍ଦେଶ କ୍ରମେ ଗାଡିକୁ ସିଜ କରାଯାଇଛି ।

ପୂର୍ବରୁ ଦୁର୍ଗାପୂଜା ଭଷାଣି ସମୟରୁ ସହରରେ ଡିଜେ ବ୍ୟାନ ହୋଇଥିଲା । ୬୦ ଡେଶିବଲରୁ ଅଧିକ ଶବ୍ଦ କରୁଥିବା ଡିଜ କୁ ଅନୁମତି ମିଳୁନଥିଲା। ଆଗାମୀ ଦିନରେ ଏଭଳି କାର୍ଯ୍ୟାନୁଷ୍ଠାନ ବଳବତ୍ତର ରହିବ ବୋଲି କହିଛନ୍ତି ଥାନାଧିକାରୀ ।