ପାକିସ୍ତାନରେ ଆତ୍ମଘାତୀ ବିସ୍ଫୋରଣ, ୧୭ ମୃତ

ଇସଲାମାବାଦ : ପାକିସ୍ତାନରେ ଆତ୍ମଘାତୀ ବିସ୍ଫୋରଣ, ୧୭ ମୃତ  । ଆତଙ୍କବାଦୀ ମାନେ ବୁଧବାର ଦିନ ୨ଟା ବେଳେ ଉତ୍ତର- ପଶ୍ଚିମ ଚେକପଏଣ୍ଟରେ ଏକ ଭୟଙ୍କର ବିସ୍ଫୋରଣ କରିଛନ୍ତି । ଯେଉଁଥିରେ  ୧୭ଜଣ ଯବାନ ନିହତ ହୋଇଥିବା ବେଳେ ଅନେକ ଆହତ ହୋଇଛନ୍ତି ।

ସୂଚନା ମୁତାବତ ଖାଇବର ପଖତୁନଖ୍ୱା ପ୍ରଦେଶର ବାନୁ ଜିଲ୍ଲାର ମାଲିଖେଲ ଠାରେ ଏହି ବିସ୍ଫୋରଣ ଘଟିଛି । ଏହି ଚେକ୍ ପଏଣ୍ଟରେ ଆତଙ୍କବାଦୀ ଏକ ବିସ୍ଫୋରକ ସାମଗ୍ରୀ ଭର୍ତ୍ତି ଏକ ଗାଡି ଏଠାରେ ଛାଡି ଦେଇଥିଲେ । ଯାହା ଫଳରେ ଏକ ଭୟଙ୍କର ବିସ୍ଫୋରଣ ଘଟିଥିଲା  ।

ଜଣେ ପାକିସ୍ତାନୀ ସେନା ଅଧିକାରୀଙ୍କ ଅନୁଯାୟୀ, ଆତଙ୍କବାଦୀଙ୍କୁ ନିପାତ ପାଇଁ ସେନା କ୍ୟାମ୍ପରେ ଯୋଜନା ଚାଲିଥିବା ବେଳେ ଏପରି ଅଘଟଣ ହୋଇଛି । ଯାହାର ଯବାବ ନିଶ୍ଚୟ ଦିଆଯିବ ଏବଂ ଏହି ହତ୍ୟାକାରୀ ଆତଙ୍କବାଦୀଙ୍କୁ ଖୋଜି ନିପାତ କରାଯିବ ବୋଲି ସେ କହିଛନ୍ତି । ସୂଚନା ଅନୁଯାୟୀ, ସର୍ଚ୍ଚ  ଅପରେସନରେ ୬ ଅତଙ୍କବାଦୀଙ୍କ ଏନକାଉଣ୍ଟର କରାଯାଇଛି । ହେଲେ ଏହି ଆତ୍ମଘାତୀ ଆକ୍ରମଣ ପଛରେ କାହା କାହାର ହାତ ଅଛି ତାହା ନେଇ ସମ୍ପୂର୍ଣ୍ଣ ତଥ୍ୟ ମିଳିପାରି ନାହିଁ ।