ଓଲିଉଡ କଳି : ଗତକାଲି କଟକରେ ଅଭିଯୋଗ, ଆଜି ଭୁବନେଶ୍ବରରେ ଜବାବ

ଭୁବନେଶ୍ବର : ଓଲିଉଡ କଳିକୁ ନେଇ ଓଡ଼ିଶା ହୁଲସ୍ତୁଲ । ଗତକାଲି କଟକରେ ଅଭିଯୋଗ, ଆଜି ଭୁବନେଶ୍ବରରେ ଜବାବ। ଓଲିଉଡ ଡାଇରେକ୍ଟର ଆସୋସିଏସନ ସାଇବର ଥାନାରେ ଦେଇଥିବା ମାମଲା ନେଇ ମୁଁହ ଖୋଲିଛନ୍ତି ଅଭିନେତା ମନୋଜ ମିଶ୍ର । ଏ ପର୍ଯ୍ଯନ୍ତ ପୋଲିସ ପକ୍ଷରୁ କୌଣସି ସମନ ଆସିନାହିଁ ବୋଲି କହିଛନ୍ତି ମନୋଜ । ତେବେ ସେ କେବେ ବି ଓଡ଼ିଆ ପ୍ରଡ୍ଯୁସର ମାନଙ୍କୁ ନିନ୍ଦା କରିନାହାଁନ୍ତି, ଓଲିଉଡ଼ରେ ବି ବହୁତ ବିଜ୍ଞ ପ୍ରଡ୍ଯୁସର ଅଛିନ୍ତି । ଓଡ଼ିଆ ସିନେମା ଇଣ୍ଡଷ୍ଟ୍ରି କାହାର ପୈତୃକ ସମ୍ପତ୍ତି ନୁହଁ । ସମୟ ସହ ତାଳଦେଇ ଓଡ଼ିଆ ସିନେମା ଆଗକୁ ବଢୁନି, ତାହାହିଁ  ଦୁଃଖର ବିଷୟ । ଏଠି କାମ ଅପେକ୍ଷା ଅଧିକ ଷଡଯନ୍ତ୍ର ଚାଲିଛି । ବର୍ତ୍ତମାନ ମୁଖ୍ୟ ପ୍ରସଙ୍ଗ ହେଲା ଓଡ଼ିଆ ସିନେମା କିଭଳି ଟେକ୍ନିକାଲି ସାଉଣ୍ଡ ହେବ । ସେ ଦିଗରେ ସମସ୍ତେ ଧ୍ଯ୍ଯାନ ଦେବା ଦରକାର ବୋଲି ମନୋଜ କହିଛନ୍ତି  । ଓଡ଼ିଆ ସିନେମା ଦମନ, କର୍ମ ଭଳି ଅନେକ ଭଲ ଫିଲ୍ମ ଅଛି । ମୁଁ ଯଦି ଖରାପ କରେ ମୁଁ ଏହାକୁ ପ୍ରମୋଟ କରେନାହିଁ । ଏହି ଅବସରରେ ସେ ବବି ଇସଲାମ, ତାପସ ସରଘରିଆ, ସବ୍ଯସାଚୀ ମହାପାତ୍ର ପ୍ରମୁଖଙ୍କୁ ଟାର୍ଗେଟ କରିଛନ୍ତି ।

ମନୋଜ ମିଶ୍ରଙ୍କ ଅଭିଯୋଗ ଉପରେ ପୁଣି ଉତ୍ତର ରଖିଛନ୍ତି ନିର୍ଦ୍ଦେଶକ ସବ୍ଯସାଚୀ ମହାପାତ୍ର । ମନୋଜ ମିଶ୍ରଙ୍କୁ ସେ ଅପିଲ କରି କହିଛନ୍ତି ବାରମ୍ବାର ଅଭିଯୋଗରୁ ସେ କ୍ଷାନ୍ତ ରୁହନ୍ତୁ । ସେ ଗତ ଦିନ ମାନଙ୍କରେ ଓଡ଼ିଆ ସିନେମାକୁ ବହୁ ବିବାଦକୁ ଟାଣିଛନ୍ତି । ତେଣୁ ବର୍ତ୍ତମାନ ସମୟ ଆସିଛି ଏ ସବୁ ବିବାଦର ଆପୋଷ ସମାଧାନ ହେବା ଦରକାର । ମନୋଜ ମିଶ୍ର ବର୍ତ୍ତମାନ ସିନେମାର ବିକାଶ ପାଇଁ ଯାହା ସବୁ ପ୍ରସ୍ତାବ ଦେଉଛନ୍ତି ଗତ ୬ବର୍ଷ ଧରି ଆମେ ସରକାରଙ୍କ ନିକଟରେ ଦାବି ରଖି ଆସୁଛୁ ବୋଲି କହିଛନ୍ତି ସବ୍ୟସାଚୀ । ଗତ କିଛି ଦିନ ଧରି ଓଡ଼ିଆ ସିନେମାରେ ବିଭିନ୍ନ ପ୍ରସଙ୍ଗକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହେଉଛି । ଆରୋପ ପ୍ରତ୍ଯାରୋପ, ଅଭିଯୋଗ ପ୍ରତିଅଭିଯୋଗ ମଧ୍ଯରେ ଛନ୍ଦି ହୋଇପଡିଛି ଓଡ଼ିଆ ସିନେମା ଶିଳ୍ପ । କେଉଁଠି ରହିଲା ସମସ୍ୟା ତାହା ଏବେ ବଡ଼ ପ୍ରଶ୍ନ ହୋଇ ରହିଛି ।