ପୁରୀରେ ଧ୍ବଜା ବନ୍ଧା ସମୟରେ ହେବ ପରିବର୍ତ୍ତନ

ପୁରୀ : ପୁରୀରେ ଧ୍ବଜା ବନ୍ଧା ସମୟରେ ହେବ ପରିବର୍ତ୍ତନ। ସନ୍ଧ୍ୟା ବଦଳରେ ଅପରାହ୍ନ ୩.୩୦ ରୁ ୪.୦୦ଟା ମଧ୍ୟରେ ଧ୍ବଜା ବନ୍ଧା ଅନୁଷ୍ଠିତ ହେବ । ଏନେଇ ଚୁନରା ସେବକମାନଙ୍କୁ ମୁଖ୍ୟ ପ୍ରଶାସକ ନିର୍ଦ୍ଦେଶ ଦେଇଛନ୍ତି । ଧ୍ଵଜା ବନ୍ଧା ଦେଖିବା ପାଇଁ ଶ୍ରୀମନ୍ଦିର ଭିତରେ ଓ ସିଂହଦ୍ଵାର ବାହାର ମାର୍ଗରେ ବହୁତ ଭକ୍ତ ଗହଳି କରୁଛନ୍ତି । ଅପରାହ୍ନ ସମୟରେ କମ୍ ଗହଳି ଥିବାରୁ ଧ୍ଵଜା ବନ୍ଧା ସମ୍ପର୍ଣ୍ଣ କରିବାକୁ ଲକ୍ଷ୍ୟ ରଖାଯାଇଛି । ସପ୍ତାହଟି ପାଇଁ ୩.୩୦ ରୁ ୪.୦୦ଟା ମଧ୍ୟରେ ଧ୍ଵଜା ବନ୍ଧା ସମାପନ କରିବା ପାଇଁ ଶ୍ରୀମନ୍ଦିର କମାଣ୍ଡର ଓ ସୁପରଭାଇଜାରଙ୍କୁ ନିର୍ଦ୍ଦେଶ ପ୍ରଦାନ କରାଯାଇଛି l ଏନେଇ ଚୁନରା ସେବକଙ୍କ ସହଯୋଗ କାମନା କରିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ।