ଆଲିଗଡ ମୁସଲିମ ୟୁନିଭର୍ସିଟିକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ

ଲକ୍ଷ୍ନୌ : ଆଲିଗଡ ମୁସଲିମ ୟୁନିଭର୍ସିଟିକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ। ଏହି ବିଶ୍ବବିଦ୍ୟାଳୟର ସଂଖ୍ଯାଲଘୁ ମାନ୍ଯତା ବଳବତ୍ତର ରହିବ ବୋଲି କହିଛନ୍ତି ଅଦାଲତ। ଏହି ବିତର୍କିତ ମାମଲାର ଶୁଣାଣି ଲାଗି ଗଠିତ ୭ଜଣିଆ ଖଣ୍ଡପୀଠ ମଧ୍ଯରୁ ୪ ଜଣ ବିଚାରପତି ସଂଖ୍ଯାଲଘୁ ମାନ୍ଯତା ସପକ୍ଷରେ ରାୟ ଦେଇଥିବାବେଳେ ୩ ବିଚାରପତି ବିରୋଧରେ ମତ ଦେଇଥିଲେ। ୧୯୬୭ରେ ଏସଂକ୍ରାନ୍ତ ଏକ ମାମଲାର ବିଚାର କରି ନିଜେ ସୁପ୍ରିମକୋର୍ଟ ଏହି ବିଶ୍ବବିଦ୍ୟାଳୟକୁ ସଂଖ୍ଯାଲଘୁ ମାନ୍ଯତା ଦିଆଯାଇପାରିବ ନାହିଁ ବୋଲି ଦର୍ଶାଇଥିଲେ। ତେବେ ଆଜି ସେହି ପୁରୁଣା ରାୟକୁ ରଦ୍ଦ କରିଛନ୍ତି ସୁପ୍ରିମକୋର୍ଟ। ସଂଖ୍ଯାଲଘୁ ମାନ୍ଯତା ପ୍ରସଙ୍ଗରେ ଆଜିଜ ବେଶା ବନାମ କେନ୍ଦ୍ର ସରକାର ମାମଲାରେ ୧୯୬୭ରେ ସୁପ୍ରିମକୋର୍ଟ ଦର୍ଶାଇଥିଲେ- ଏକ ଷ୍ଟାଚ୍ଯୁଟ ଅନୁସାରେ ଗଠିତ ବିଶ୍ବବିଦ୍ୟାଳୟକୁ ସଂଖ୍ଯାଲଘୁ ମାନ୍ଯତା ପ୍ରଦାନ କରାଯାଇପାରିବ ନାହିଁ। ପ୍ରଧାନବିଚାରପତି ଜଷ୍ଟିସ ଡି.ୱାଇ. ଚନ୍ଦ୍ରଚୂଡ, ଜଷ୍ଟିସ ସଞ୍ଜୀବ ଖନ୍ନା, ଜଷ୍ଟିସ ଜେ.ବି. ପାର୍ଦ୍ଦିୱାଲ ପ୍ରସ୍ତାବ ସପକ୍ଷରେ ରାୟ ଦେଇଥିବାବେଳେ ବିରୋଧରେ ରାୟ ଦେଇଥିଲେ ଜଷ୍ଟିସ ସୂର୍ଯ୍ୟକାନ୍ତ, ଦୀପଙ୍କର ଦତ୍ତ ଓ ଏସ.ସି. ଶର୍ମା।