ଆନ୍ଦୋଳନକାରୀ ଓକିଲ ସାବଧାନ୍ !
ନୂଆଦିଲ୍ଲୀ: ଏଣିକି ଆନ୍ଦୋଳନକାରୀଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ନିଆଯିବ । ଓଡ଼ିଶାରେ ଓକିଲ ଆନ୍ଦୋଳନ ପ୍ରସଙ୍ଗରେ ସୁପ୍ରିମକୋର୍ଟ ଏଭଳି କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି । ଏନେଇ ବାର୍ କାଉନ୍ସିଲ ଅଫ ଇଣ୍ଡିଆ ଏବଂ ଓଡ଼ିଶା ବାର୍ କାଉନସିଲକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ ଖଣ୍ଡପୀଠ। ଓକିଲ ସଂଘଗୁଡ଼ିକର କେଉଁସବୁ କର୍ମକର୍ତ୍ତା ଆନ୍ଦୋଳନ କରୁଛନ୍ତି, ସେମାନଙ୍କୁ ଚିହ୍ନଟ କରି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।
ଏହାସହ ଓଡିଶା ହାଇକୋର୍ଟର ବିଚାରପତି ନିଯ଼ୁକ୍ତି ପ୍ରସଙ୍ଗ ମଧ୍ୟ ସୁପ୍ରିମ୍କୋର୍ଟରେ ଉଠିଛି । ଏହି ପ୍ରସଙ୍ଗରେ ପଦକ୍ଷେପ ନିଆଯିବ ବୋଲି ଖଣ୍ଡପୀଠଙ୍କ ନିକଟରେ ଆଟର୍ଣ୍ଣି ଜେନେରାଲ କେ.କେ. ବେଣୁଗୋପାଳ କହିଛନ୍ତି । ଜଷ୍ଟିସ ସଂଜୟ କିଶାନ କୈାଲ ଓ ଜଷ୍ଟିସ କେ.ଏମ୍. ଯୋଶେଫଙ୍କୁ ନେଇ ଗଠିତ ୨ ଜଣିଆ ଖଣ୍ଡପୀଠ ମାମଲାରେ ଶୁଣାଣି କରିଥିଲେ ।
