ଜମି ବିବାଦ: ପୁତୁରା ଶାବଳ ଆକ୍ରମଣରେ ଦାଦା ମୃତ
ମୋଟୁ: ଜମି ବିବାଦରୁ ଦାଦାକୁ ହତ୍ୟା କଲା ପୁତୁରା । ନେଇଗଲା ଦାଦାର ଜୀବନ । ଘଟଣା ଘଟିଛି ମାଲକାନଗିରି ଜିଲ୍ଲା ମୋଟୁ ଥାନା ମାନ୍ୟମକୋଣ୍ଡା ପଞ୍ଚାୟତ ବାଞ୍ଜିଗୁଡା ଗାଁରେ ।
ଅଭିଯୋଗ ଅନୁସାରେ, ଗତକାଲି ଦାଦା ଭୀମା ମାଡି ଜମି କି ଯାଇ ଘରେ ପହଞ୍ଚିବା ପରେ ପୁତୁରା ଲାଛା ମାଡି ସହିତ ଝଗଡା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଲାଛା ଏକ ଶାବଳରେ ଭୀମାଙ୍କ ମୁଣ୍ଡକୁ ଶକ୍ତ ପ୍ରାହର ପକାଇଥିଲେ । ଫଳରେ ଘଟଣା ସ୍ଥଳରେ ଭୀମଙ୍କୁ ମୃତ୍ୟୁ ହୋଇଯାଇଥିଲା ।
ଘଟଣା ସମ୍ପର୍କରେ ଭୀମାଙ୍କ ସ୍ତ୍ରୀ ମୋଟୁ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ମୋଟୁ ପୋଲିସ ଗାଁରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଏହାସହ ଶବ ଜବତ କରି ବ୍ୟବଚ୍ଛେଦ ପାଇଁ ମେଡିକାଲ ପଠାଇଛି ।
