ମେଡିସିନ୍ ଷ୍ଟୋରରୁ ୫ ଲକ୍ଷ ଲୁଟ୍ : ନନ୍ଦିଘୋଷ ଟିଭି ହାତରେ ଚୋରିର Exclusive ଭିଜୁଆଲ

ଭୁବନେଶ୍ବର : ମେଡିସିନ୍ ଷ୍ଟୋରରୁ ୫ ଲକ୍ଷ ଟଙ୍କା ଲୁଟ୍ । ନଗଦ ଟଙ୍କା ସହ ଲୁଟିନେଲେ ଦାମୀ ମେଡିସିନ୍ । ସିସିଟିଭିରେ କଏଦ ହେଲା ଚୋରିର ଲାଇଭ ଦୃଶ୍ୟ। ନନ୍ଦିଘୋଷ ଟିଭି ହାତରେ ଲାଗିଛି ଲାଇଭ୍ ଚୋରିର Exclusive ଭିଜୁଆଲ। ବିଳମ୍ବିତ ରାତିରେ କବାଟ ତାଡି ଭୁବନେଶ୍ବର କଳିଙ୍ଗ ବିହାର ଅଞ୍ଚଳର ଏକ ମେଡିସିନ୍ ଷ୍ଟୋରରେ କଳାକନା ବୁଲାଇଛନ୍ତି ୨ ଜଣିଆ ଲୁଟେରା ଗ୍ୟାଙ୍ଗ । ଆନନ୍ଦ ବନ ନିକଟରେ ଥିବା ଏହି ମେଡିସନ୍ ଷ୍ଟୋରରେ ଗତକାଲି ରାତିରେ ଦୁଇ ଜଣ ଲୁଟେରା କବାଟ ତାଡି ପ୍ରବେଶ କରିବା ପରେ ମୁହଁରେ ବ୍ୟାଗ ଘୋଡାଇ ପ୍ରଥମେ ଟଙ୍କା ବାକ୍ସକୁ ତାଡିଥିଲେ । ସେଥିରେ ଥିବା ବିଡା ବିଡା ଟଙ୍କା ପ୍ରଥମେ ପକେଟରେ ପୂରାଇଥିଲେ । ଆଉ ଜଣେ ଲୁଟେରା ଟୋପି ପିନ୍ଧିଥିବା ବେଳେ ମୁହଁରେ ଏକ ଗାମୁଛା ଢାଙ୍କିଥିଲା । ଟଙ୍କା ପକେଟରେ ପୂରାଇବା ପରେ ସିସିଟିଭି ହାର୍ଡଡିସ୍କ ତାଡିବାକୁ ଉଦ୍ୟମ କରିଥିଲେ । ବିଫଳ ହେବାରୁ ତାର ଛିଣ୍ଡାଇ ଦେଇଥିଲେ ଲୁଟେରା । ଏନେଇ ଭରତପୁର ଥାନାରେ ଦୋକାନୀ ଜଣକ ଏତଲା ଦେଇଛନ୍ତି। ବର୍ଷେ ପୂର୍ବରୁ ଦୋକାନୀଙ୍କ ମାଙ୍କ ବେକରୁ ସୁନା ଚେନ୍ ଝାମ୍ପି ନେଇଥିଲେ ଲୁଟେରା । ଲୁଟେରାଙ୍କ ଏଭଳି ହାଲ୍ଲାବୋଲ ପୋଲିସ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି ।