ଘରେ ପଶିଲେ, ସିସିଟିଭିରେ ଶାଢ଼ୀ ପକାଇ ଲୁଟିଲେ
ଉଦଳା: ଚୋରି କରିବାକୁ ପାଇଁ ସିସିଟିଭିକୁ ଶାଢ଼ୀ ପିନ୍ଧାଇଲେ ଲୁଟେରା । ଏମିତି ଘଟଣା ଘଟିଛି ଉଦଳା ଥାନା ଏନଏସି ୪ ନମ୍ବର ଓ୍ବାର୍ଡରେ । ଲୁଟେରା ଦଳ ଘରର କବାଟ ଭାଙ୍ଗି ଘରେ ପଶିଲେ । ଏକ ଶାଢ଼ୀରେ ଗୁଡେଇ ହୋଇ ଭିତରକୁ ଯିବା ପରେ ବାଡିରେ ଶାଢ଼ୀକୁ ସିସିଟିଭି ଉପରେ ପକାଇ ଲୁଟିଲେ ।
ସିସିଟିଭିରୁ ବର୍ତ୍ତିବା ପାଇଁ ଚୋରଙ୍କ ଚାଲାଖି । ଘର ଭିତରେ ପଶିବା ସହ ସିସିଟିଭି ଉପରେ ଶାଢ଼ୀ ଢ଼ାଙ୍କି ଲୁଟ କରିଛନ୍ତି । ଗଡରେଜ ଓ ଆଲମାରୀ ଭାଙ୍ଗି ନଗଦ ଟଙ୍କା ସହ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟି ନେଇଛନ୍ତି । ଲୁଟ କରିବା ପରେ ଦୁର୍ବୃତ୍ତମାନେ ଗୋଟିଏ ସିସିଟିଭି ଭାଙ୍ଗି ଦେବା ସହ ଅନ୍ୟ ଦୁଇଟିର ମୁହଁକୁ ବୁଲାଇ ଦେଇଛନ୍ତି ।
ଖବର ପାଇବା ପରେ ଉଦଳା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏହାସହ ପୋଲିସ ଏକ ଲୁଟ ମାମଲା ରୁଜୁ କରିଛି ।
